Maui nagbago nang maging nanay!
Masayang-masaya si Maui Taylor dahil nakabalik sa show business. Pansamantalang iniwan ng sexy actress ang pag-aartista mula nang mag-asawa at nagkaroon ng sariling pamilya. Ngayon ay kabilang si Maui at ilan pang kasamahan sa grupong Viva Hot Babes sa teleseryeng FPJ’s Ang Probinsyano na pinagbibidahan ni Coco Martin. “It felt great kasi parang when I had two kids feeling ko parang mahihirapan ako bumalik pero naging okay naman. It was actually easier in a way kasi parang people already saw me as a serious person doing serious work in filming and acting. So it was easier definitely,” pagtatapat ni Maui.
Noong unang sumabak sa taping ay talagang kinabahan daw ang aktres. “Sobrang kabado ako kasi that was the first time I actually met kuya Coco. Then I was expecting something else but when I saw him sobrang humble, sobrang down to earth. I remember him saying, ‘Maui, thank you dahil tinanggap mo ‘yung role.’ He handpicked the Hot Babes for the role. So I was very glad na nakasama ako do’n sa cast,” nakangiting kuwento ng aktres.
Ayon kay Maui ay malaki na ang kanyang ipinagbago pagdating sa pagtatrabaho kumpara noong dalaga pa siya. “I’m more responsible now than I was before. I make sure I am there two hours before the set call time. I’ve really grown and turned into a more mature person. Of course ‘yung busyness before na everyday you go out. Of course now you have to choose your projects because you have two kids growing up that you have to support as well,” paliwanag niya.
Geoff at Maja may reunion
Sa susunod na buwan ay mapapanood na sa Kapamilya network ang teleseryeng The Killer Bride na pinagbibidahan nina Maja Salvador, Joshua Garcia at Janella Salvador. Kasama rin sa serye si Geoff Eigenmann na itinuturing daw na reunion project nila ni Maja ang bagong proyekto. Matatandaang huling nagkasama ang dalawa sa pelikulang Villa Estrella noong 2009.
“Sobrang professional (ni Maja). When we go into scenes, it’s so easy. Nakakahatak ako sa kanya. When she gets emotional, she just draws you in talaga. It’s very easy working with her,” bungad ni Geoff.
Makakatambal ng aktor si Maja sa nasabing serye at ayon kay Geoff ay ngayon lamang siya muling nagkaroon ng katambal sa telebisyon. “This is my first time back with ABS-CBN. Very different because this is the first time that I’m going to be with a love team pero throughout the run of the story, halos hindi kami magiging magkasama ni Maja. Only during the first part, and then the rest of the show. We’ll see how it happens, how it ends. But with the run of the show, nagmamahalan kami pero hindi kami nagkikita,” paglalahad ng aktor. (Reports from JCC)
- Latest
