Kalit nga offer

CEBU, Philippines – Giangkon ni Richard Yap nga na-pressure siya  gamay sa pagkalakip niya sa sikat kaayo nga afternoon series sa ABS-CBN nga Kadenang Ginto.

Sa susamang higayon, malipayon siya gumikan nakabalik na gyud siya sa telebisyon.

Suma pa niya nga hangtud pa diay unta sa Agosto ang pagpahuway niya sa showbiz  apan kalit kaayo ang offer sa Kadenang Ginto.

Dili siya makabalibad sa maong teleserye gumikan sa kanindot niini.

“I was just planning to take a vacation, take a leave siguro until August so this was a very welcome offer and I am very thankful na kinuha ulit ako ng ABS-CBN at Dreamscape and of course I am really thankful na I’m part of  Kadenang Ginto because this is such an awesome show at ang daming nanonood,” saysay pa niya nga namantala sa PUSH.

Matud pa niya nga layo ra kaayo ang role niya sa nangagi niya nga mga proyekto.

“Ibang-iba si Leon dito kasi hindi siya mayaman. Usually mayaman ang roles ko eh ito hindi ako mayaman. Mag-uumpisa ako from the bottom at magtutulungan kami ni Romina (Beauty) dito. Tutulungan ko siya so may ibang klase ang character ko but I can’t tell you what it’s all about so you have to watch it to know,” matud pa niya.

Pagpakasal  nahisgotan na

Gipasabot ni  Matteo Guidecilli  nga maabot ra ang saktong panahon  alang sa pagpakasal nila ni Sarah Geronimo.

Nahisgotan na nila ang maong butang  apan dili pa gyud nila matino  kanus-a sila motungtong sa maong stage.

“When the perfect time comes,” tubag pa ni  Matteo sa interview niini sa Tonight With Boy Abunda.

Family history nagkaduol na!

Karong Hulyo 24, ang  GMA Pictures ug  Mic Test Entertainment modalit sa pelikulang  ‘Family History,’  nga naghisgot  sa mga pagtulon-an sa kinabuhi, ilabi na pamilya, kaminyoon ug uban pa.

 Ang maong pelikula  sinuwat  ug ubos sa direksyon sa  Kapuso Comedy Genius nga si  Michael V.

Gidala ni Michael V. ang  lead role isip  Alex Dela Cruz,  ang malipayong lalaki  nga nakasugat og mga pagsulay  nga naghatag og hagit sa kaminyoon nila ni May nga gidala ni Dawn Zulueta.

“Napaka-flattering at napaka-humbling na experience makatrabaho ang isang Dawn Zulueta. Siya talaga ang gusto naming kunin sa simula pa lang. Masaya at magaan din siyang kasama,” suma pa ni  Michael V.

Samtang  si  Dawn  sa iyang bahin, “I’ve always wanted to work with Bitoy. Always. I’m a fan. ‘Yung mga characters niya sa TV, tuwang-tuwa talaga ako.”

Nalakip usab sa maong pelikula sila si  Miguel Tanfelix, Bianca Umali, John Estrada, Paolo Contis, Nonie Buencamino, Kakai Bautista, Ina Feleo, Mikoy Morales, Nikki Co, Jemwell Ventenilla ug  Vince Gamad. Ang Primetime King Dingdong Dantes ug multi-awarded comedienne ug  TV host Eugene Domingo nakabaton og  cameo role sa maong pelikula.

Rafael balik- kapamilya

Mibalik na sa Kapamilya network si Rafael Rosell human nahimong Kapuso sulod sa pito ka tuig. Sa pagbalik ni  Rafael sa maong network, malakip siya sa  ‘Ipaglaban Mo’ kun diin makauban niya si JM De Guzman.

Personal pilot

Makaingon na gyud si Ai Ai delas Alas nga aduna na siya’y personal nga piloto gumikan kay ang iyang bana nga si Gerald Sibayan, nakakuha na sa iyang lisensya isip private pilot. Matud pa ni Ai Ai nga target ni Gerald ang makakuha og CPL  o Commercial Pilot License.

Magpatukod og eskuylahan

Gisaysay ni Enchong nga naa gyud sa iyang huna-huna   nga bisan sa gagmay nga paagi, makatabang siya sa iyang isigkatawo. Buot sa aktor nga  makapatukod og eskuylahan. Matud pa ni Enchong nga bisan og daghan na ang nahitabong kagubot dinhi sa atong nasud karon, gusto niya nga makahimo og solusyon niini pinaagi sa mga bata nga nagkinahanglan og edukasyon.

Bagong VJ

Sila si Edward Barber ug Ylona Garcia maoy mga bag-ong VJ sa MYX. Una na nga  nilugwa  sa maong music  channel sila si  Robi Domingo, Ai Dela Cruz, ug Samm Alvero.

Panghinaot ni derek

Nanghinaot ni Derek Ramsey nga unta mabalik pa ang ilang panaghigalaay sa iyang ex-girlfriend nga si Angelica Panganiban. Gitataw niya nga dili siya ang   klase     nga lalaki nga gusto pa makigbalik sa ex apan gusto niya nga magpabilin ang ilang relasyon isip managhigala. Dugang pa niya nga kasagaran sa iyang kanhi karelasyon nahimo na niya nga higala karon gawas lang kang Angelica.

Tony isip Jose Rizal

Si Tony Labrusca ang mahimong Dr. Jose Rizal sa pelikula nga ‘Ang Babae Sa Septic Tank 3’. Si Tony mao ang pares ni Eugene Domingo sa maong pelikula. Matud pa ni Tony nga walay adlaw nga dili siya malipayon sa ilang shooting gumikan kay kanunay gyud nga mohatag og good vibes ang komedyante.

Naglagot ni direk

Gibutyag ni Kathryn Bernardo nga adunay higayon nga nakabati siya og kalagot ngadto sa direktor nga si Cathy Garcia-Molina sa dihang nagpadayon pa ilang shooting sa pelikula nga ‘Hello, Love, Goodbye”. Matud pa ni Kathryn nga gidid-an siya nga mogamit og cellphone ug kanunay gyud nga gibantayan ang iyang lihok kun anaa siya sa trabaho. Dugang pa niya nga mao sab kini ang mitabang kaniya aron mag-mature pa sa trabaho.

Hagbay ra

Gibutyag ni Dimples Romana nga taud-taud na diay ang engagement nila ni Angel Locsin ug Niel Arce. Matud pa ni Dimples nga nahitabo kini niadtong Father’s Day pa lang.

Excited sa reunion movie

Dili gyud matago ni Cathy Garcia-Molina ang iyang kahinam nga mahimong direktor sa pelikula nga bidahan ni Piolo Pascual ug Claudine Barretto nga hikayon og sugod karong Setyembre. Matud pa ni Direk Cathy nga malangan pa diay ang plano niya nga pag-retiro isip direktor sa mga pelikula. Excited na kaayo  ang direktor sa maong proyekto.

Nakatabang ang friendship

Tsika pa ni Sam Concepcion nga nakatabang matud pa ang ilang panaghigalaay ni Nadine Lustre alang sa ilang pelikula nga ‘Indak’. “We’ve been friends for a while now. I think that’s what made it a lot easier and a lot more fun to do. Siyempre we already know each other, we work around each other all the time… Actually iba rin siya na experience because you put us in a work atmosphere and I guess it’s a little different”, suma pa ni Sam.