Indak karong Agosto 7

CEBU, Philippines – Mopabilib gyud  kanato ang  Multimedia Princess nga si  Nadine Lustre sa  epic dance movie nga  Indak kun diin makauban niya si Sam Concepcion.

Ang Indak naghisgot sa  simpleng dalaga nga  si Jen (Nadine ), nga nagpuyo sa  isla. Mahiligon siya sa pagsayaw, apan dili niya mapakita sa ubang tawo  ang abilidad niya sa pagsayaw.Hangtud nga nahimong viral ang usa ka video kun diin nakit-an siya nga nisayaw  ug nakakita niini si  Vin (Sam), ang leader sa dance group nga Indak Pinas.

 Nakumbinsir  ni Vin si Jen nga mosalmot sa ilang grupo, ug gisultihan usab niya kini nga mosalmot sa World Dance Championship nga mahitabo sa South  Korea.

Sa Maynila, gitabangan ni Vin si Jen aron mabaid og samot ang iyang talento.

Unsa kaha ang padulngan nilang duha, mabihag ba kaha  ang tagsa-tagsa nila  nga kasing-kasing?

Gawas  sa hugyaw  choreography, madungog  pud sa  Indak  ang Official Soundtracks nga” Sumasayaw sa Indak”.   Si  Nadine Lustre ang nagkanta niini kauban sila si  Pio Balbuena ug Shehyee.  Ipasalida na ang  pelikulang  INDAK sugod karong August 7.

Little Miss Philippines  ibalik

Gisugdan na niadtong Lunes ang  40th  anniversary  celebration  sa Eat Bulaga.

Kahinumdoman nga naumol niadtong July, 1979 ang maong show nga gipangulohan sa  Dabarkads nga sila si Tito Sotto, Vic Sotto ug  Joey de Leon.

Tungod sa maong dako nga selebrasyon , banhawon sa Eat Bulaga ang Little Miss Philippines.  Nasayran nga produkto sa maong segment sila si Aiza Seguerra ug Ryzza Mae Dizon.

Naglangkob usab sa maong show sila si Anjo Yllana, Ruby Rodriguez, Allan K, Pia Guanio, Jose Manalo, Wally Bayola, Paolo Ballesteros, Pauleen Luna, Ryan Agoncillo, Alden Richards, Maine Mendoza, Luane Dy, Kenneth Medrano, Ryzza Mae Dizon ug  Baeby Baste.

Miguel mibiya sa  sunday pinasaya

Niundang  na si Miguel Tanfelix isip usa sa mga  co-host sa  Sunday PinaSaya gumikan kay prayoridad niya ang  iyang pag-eskwela.

Dili sayon alang kang  Miguel ang  pagkab-ot niya sa desisyon ilabi na ang pagbiya sa  Sunday PinaSaya .

Matag-Domingo ra ang pahuway ni  Miguel  busa iyaha na lang gyud nga  isakripisyo ang maong show.

Third year student si Miguel  sa kursong  Entrepreneurial Management sa  De La Salle University-Dasmariñas.

“After All” sa DenJen gipistahan

Gipistahan og maayo sa publiko  ang hugyaw nga cover nila ni Dennis Trillo ug Jennylyn Mercado  sa awit nga “After All”  ug  nakabaton na kini og kapin sa 1M views sa YouTube human sa duha ka semana sukad pag-upload niini.

Nauso na karon sa mga artista nga magmugna og YouTube Channel  aron mohatag og update sa ilang fans  ilabi na lain nila nga gipangbuhat ,gawas sa trabaho nila sa showbiz.

Malipayon ang mag-uyab nga gihangop dayon sa publiko ang maong cover video. 

Martin milugwa na sa ABS-CBN

Nalakip na sa  ABS-CBN program nga  FPJ’s Ang Probinsyano  ang kanhi bitoon  sa TV5 ug GMA-7 nga si  Martin Escudero.

 Dakong garbo alang kang  Martin nga malakip sa maong show nga gikonsiderar niya nga labing una niya nga teleserye sa ABS-CBN.

Gidala ni Martin ang karakter ni  Lieutenant Karlo Ramos, usa sa mga miyembro sa  Task Force Agila nga gipangulohan ni  Cardo Dalisay  kinsa gidala sa bida nga si Coco Martin.

Jon mibalhin  sa kapuso network

Nipirma na og kontrata sa GMA-7  kagahapon  ang kanhi Kapamilya star nga si Jon Lucas kinsa sakop usab kaniadto sa grupong Hashtags.

Nasayran nga si Becky Agila na ang talent manager ni Jon. Kanhi talent  si Jon sa Star Magic sa wala pa kini nibalhin kang Becky. Ka-partner ni Becky sa paghupot sa career ni Jon mao ang GMA Artist Center.

Nitumaw ang tsika nga  malakip si Jon sa Pinoy version sa  hit Koreanovela nga Descendants of the Sun  nga pagabidahan nila ni Dingdong Dantes , Jasmine Curtis Smith ug Rocco Nacino.

Piolo-Shaina movie pasok sa TIFF

Malakip  karong tuiga sa Tokyo International Film Festival (TIFF)  ang pelikula nila ni Piolo Pascual ug Shaina Magdayao nga Ang Hupa (The Halt),

 Suma pa ni Shaina nga motambong gyud sila sa maong kalihokan didto sa Japan karong October.

Kahinumdoman nga makadaghan na nga higayon nga nalakip sa  nagkadaiya nga mga    film festival sa laing nasud ang maong pelikula. 

Imbestigasyon sa GMA nahuman na

Nakompleto  na sa GMA Network ang ilang  internal investigation sa aksidente nga nahitabo sa  taping sa Rosang Agimat  niadtong June 8, 2019 kun nahagba ang beteranong aktor nga si Eddie Garcia.

  Apan nihangyo ang pamilya ni Eddie nga hatagan una sila og kopya sa dili pa kini ipahibalo sa publiko.

“GMA Network has completed its internal investigation on the accident involving the late Mr. Eddie Garcia.The family wishes to be given a copy before we share the report with the public.Thank you,”  ang official statement sa GMA.

Pipila ka adlaw nga nalandig si Eddie sa tambalanan human nakabaton og “neck fracture”  ug nakabsan kini sa iyang kinabuhi niadtong June 20.

Nagkabugnaw nga relasyon?

Nitumaw napud ang taho  nga matud pa nagkahanap nasad ang relasyon nila ni Bea Alonzo ug Gerald Anderson.   Wala mohatag og tubag si  Bea kalabot sa maong report.     “She slept with the wolves without fear, for the wolves knew a lion was among them” -r.m drake,” suma pa sa social media post ni Bea.

Pauleen naayo na

Nibalik na si  Pauleen Luna sa Eat Bulaga human kini nasakit og pipila ka semana.   Kahinumdoman nga nalandig si Pauleen sa tambalanan gumikan kay nagbalik-balik ang iyang hilanat.

Ikaduhang  anak

Nanganak na ang modelo nga si  Georgina Wilson ug mao kini ang ikaduhang anak nila ni  Arthur Burnand.   Lalaki gihapon ang maong bata. Pipila sa mga  ni-greet sa magtiayon  ang suod nila nga higala nga sila si Anne Curtis ug Raymond Guttierez.

Dragon Lady manamilit

Kutob nalang diay karong July 20  ang teleseryeng Dragon Lady sa GMA-7.  Ang Hanggang sa Dulo ng Buhay Ko maoy ihulip sa maong afternoon series. Gibidahan kini nila ni Megan Young, Kris Bernal, Rayver Cruz ug Kim Domingo.

Klaro na

Giingong dili na gyud malilong  ang relasyon nila ni Bianca Manalo ug Senator Win Gatchalian. Kanunay nga nasigpatan ang duha nga mag-uban sa pagpanuroy.

Singapore ang lokasyon

Sa  Singapore  pagahimoon ang pipila ka mga eksena sa upcoming series sa ABS-CBN nga  Love Thy Woman . Pagabidahan kini nila ni Kim Chiu, Xian Lim, Erich  Gonzales .Sugdan  sunod semana ang taping niini.

Imposibleng magkadayon 

Aduna na’y girlfriend si Carlo Aquino busa hanap ang posibilidad nga ma-develop siya  kang Maine Mendoza.  Samtang si Maine,  malipayon na usab sa uyab niya nga si Arjo Atayde. Magpares sila si Maine ug Carlo sa pelikulang  Isa Pa With Feelings .

Follow-up project

Niulbo karon ang taho nga inigkahuman  sa pelikulang Hello, Love, Goodbye, hatagan og follow-up project sa Star  Cinema si Alden Richards.  Busy karon ang aktor sa promosyon  sa pelikula nila ni Kathryn Bernardo.

Naghinam-hinam

Nagpanikad na ang fans ni Paulo Avelino sa mahimong kapares sa ilang idolo sa pelikulang Fan Girl.  Wala pa gibutyag sa writer-director nga si Antoinette Jadaone ang pangalan sa aktres nga makauban ni Paulo sa maong proyekto.

Andam na unta

Andam na unta ang dakong balay ni Derek Ramsay sa babaye nga maoy makauban niya sa altar sa kaminyoon. Matud pa nga daghan ang nasayangan sa breakup nila ni Derek ug Joanne Villablanca.