Pag-release sa pelikula Biyernes na ang opening day

CEBU, Philippines – Gikan sa Miyerkules , himoon na nga Biyernes ang  unang adlaw nga pag-release sa mga pelikula  sa sinehan. Giingong sugdan na kini sunod bulan.

Niisyu  napud ang  Film Development Council of the Philippines (FDCP) og Memorandum Circular No. 2019-01 kalabot sa mga pamaagi o  guidelines sa pagpasalida sa mga pelikula .  Wala na’y   screen splitting. Wala pu’y  double booking or exhibition sa  usa ka  sinehan. Minimum og pito ka adlaw ang  showing sa  pelikula nga na-book alang sa   theatrical release.  

Bihag mikisaw

Nagmaya  ang production team ug  cast sa teleserye sa GMA-7 nga  Bihag gumikan kay nag-trending napud sa social media ang  ilang mga eksena.

Ang maong afternoon drama series gibitoonan nila ni  Max Collins, Jason Abalos, Neil Ryan Sese ug Mark Herras .

Sama sa ubang serye ,   aduna pud kini  binugnoay nga mga eksena tungod sa presensiya sa kabit. 

Nagpungasi nga relasyon

Gisaulog nila ni  Jessy Mendiola ug  Luis Manzano ang ikatulo nga anibersaryo isip mag-uyab dili pa lang dugay.

Nag-iyahay ang duha  og paambit sa ilang  anniversary greetings sa tagsa-tagsa nila nga mga account sa Instagram.

Mapasalamaton kaayo si Jessy kang Luis  gumikan kay mao kini ang tigprotektar kaniya.

“Time flies so fast. It seems like only yesterday when we were talking at your birthday party till 3 a.m. I wasn’t listening to whatever you were saying. I was just staring at your face thinking ‘why not? he seems like a nice man.’ Fast forward to today and we are celebrating our 3rd year together. I thank God everyday for giving me a good man. A man who will fight for me, take care of me and see me through the tough times. God knew I needed someone like you in my life. I find it funny and sweet, that after all these years you still know how to make my heart jump and make me smile. I know in my heart you are the one for me. Who would’ve thought? Happy anniversary my love. I love you with all that I am,” suma pa sa IG post ni  Jessy.

The Blood Sisters ipasalida sa Kazakhstan

Ipasalida didto sa Kazakhstan   ang 2018 hit series sa ABS-CBN  nga The Blood Sisters  nga gibidahan ni Erich Gonzales.

Ang TV Network nga  Channel 31  maoy  mopasalida sa maong teleserye.

Nasayran nga ubay-ubay na ka mga teleserye sa ABS-CBN ang gipasalida karong tuiga sa laing nasud. Kini sama sa   “Pangako Sa’Yo” sa  Dominican Republic, “Halik” sa  Tanzania,  ug “Hanggang Saan” sa  Turkey. 

Probinsyano vs. Sahaya

Ibalhin og laing timeslot ang teleserye ni  Bianca Umali sa GMA-7  nga Sahaya  sugod karong July 1 ug iatbang kini  sa Ang Probinsyano sa ABS-CBN.

Nasayran nga matapos na ang Kara Mia karong Biyernes, Hunyo 28   ug ang Sahaya maoy mohulip sa timeslot niini.

Nagpabiling naglawig ang  teleserye ni  Coco  busa dako kining hagit sa  Sahaya  nga matupungan og malabwan ang maong programa. 

Pagka-propesyonal sa KathDen mipatigbabaw

Nakadayeg gyud og maayo  ang box-office director nga si Cathy Garcia-Molina  ngadto sa mga bida sa “Hello, Love, Goodbye” nga sila si  Kathryn Bernardo ug  Alden Richards  gumikan kay tulin kaayo kini katrabaho.

Nahatag matud pa sa duha ang gipangayo sa direktor  nga execution sa tagsa-tagsa nila nga mga  karakter.

Nilutaw gyud ang pagka-propesyonal nila ni Kathryn ug Alden gumikan kay wala kini daghang arte sa trabaho.

Bela bida sa ‘Mañanita’

Si  Bela Padilla ang bida sa umaabot nga pelikula ni Direk Paul Soriano Film nga  ‘Mañanita’.

Ang banggiitan nga si Lav Diaz maoy writer sa maong pelikula.

Nagpanikad  na si Bela sa mahimong resulta sa maong proyekto.  

Blooming nga Marian

Nagpakita  na sa publiko ang aktres nga si  Marian Rivera kinsa nahilom  og pipila ka buwan  sukad gihimugso ang anak nila  ni Dingdong Dantes nga si Ziggy.

Matud pa sa tsika nga blooming kaayo si Marian  sa dihang nitambong kini sa  usa ka event. Nagkat-on na si Marian sa pagbalanse  sa  iyang mga oras  alang sa duha  nila ka mga anak ni Dingdong.