Maymay nagpadungog-dungog

CEBU, Philippines — Nakuryoso ang Twitter followers ni Maymay Entrata  human kini ni-post og “cryptic message” nga naghisgot sa pagkab-ot sa damgo sa patas  nga paagi.

“Lahat gagawin natin para sa pangarap. Pero mas maganda kapag nakamit natin ang ating mga pangarap na walang tinatapakang tao. Lumaban ng patas. Mag pakatotoo pero sa tamang paraan,” suma pa niya.

Nakauyon sa iyang post ang pipila ka netizens.

Produkto si Maymay sa Pinoy Big Brother Lucky Season 7 ug siya ang natuboy nga big winner.

Mao kini ang instrumento nga nakasulod siya sa showbiz world.

Dili magbase sa edad

Gitataw ni Makisig Morales nga dili angayan himoong isyu ang sayo niya nga pagsulod sa kaminyoon.

Suma pa sa 22 anyos nga aktor nga gikonsiderar niya ang tambag sa iyang amahan nga walay angay nga dugayan kun makaplagan na ang tawo nga tinud-anay nga nahigugma kaniya.

Suma pa ni Makisig nga mosangpot ra gyud gihapon sa pagpakasal ang duha ka mga binuhat nga nagkahigugmaay .

“Bakit mo pa patatagalin ang pagiging mag boyfriend or girlfriend kung dun din naman hahantong sa kasalan? Minsan kasi nabubulag tayo na siya na yung blessing na binigay ni Lord pero hindi pa natin nakikita,” saysay pa ni Makisig sa interview niini sa Push.

Nahimong hot topic sa miaging semana ang pagpakasal nila ni Makisig ug sa beauty queen nga si Nicole Joson didto sa Australia.

Pares ni Kisses gipangita

Sa social media post sa Regal Films , nagmugna kini og online poll kun kinsa nga aktor ang angayan nga mapares ni Kisses Delavin alang sa umaabot nga proyekto niini.

Gipapilian sa Regal sila si Jameson Blake ,Grae Fernandez ,Tanner Mata ug Teejay Marquez.

Kahinumdoman nga gianunsyo ni Kisses sa miaging adlaw nga giputol na ang tandem nila ni Donny Pangilinan.

Loisa kever sa outfit

Mapahiyomong gitubag ni Loisa Andalio ang iyang Instagram follower kinsa ni-react sa iyang outfit sa usa niya ka hulagway nga matud pa simple ra kaayo.

Suma pa sa aktres nga dili siya manumbaling sa isutli sa ubang tawo.

“Kailangan ba puro patalbugan ng OOTD.Hindi ba pwedeng mag enjoy ng simple?,” tubag pa ni Loisa.

Ang labing importante alang sa aktres nga malipayon siya sa iyang kinabuhi.

“Bilang tao, para sakin hindi importante ang labas na pananamitbo anyo.Ang importante ay masaya ang puso mo,at masaya kayo ng mga tao sa paligid mo,” dugang pa sa Kapamilya actress.