Mga haligi sa kadaugan

CEBU, Philippines — Sa pakigbisog sa kinabuhi, kinahanglan ubanan kini sa pag-amping ug pagiya sa pamilya.

Mao kini ang anaa kanunay sa hunahuna sa bag-ohay lang nga nakoranahan nga Binibining  Toledo 2019 nga si Charlene Canoy.

Ang 18 anyos nga beauty queen mipabuhagay sa iyang mga kasinatian sa maong dakong kalihukan nga nahitabo sa miaging semana atol sa kapistahan sa Dakabayan sa Toledo.

“Nisuway ko og withdraw sa Bb. Toledo tungod sa mga unexpected situations that made me doubt myself if I'm truly worthy and capable. Mura nako og nawad-an og gana atol sa pageant ug mura’g ganahan ko mo-give up sa akong damgo”, saysay pa ni Charlene.

Kining mga nasinati nga pagsuway ni Charlene,  iya kining gisugid sa iyang pamilya.

Bulahan kaayo si Charlene gumikan kay gidasig siya sa iyang pamilya aron nga mahibalik ang iyang gana sa pagkugi og pagpangandam alang sa indigay.

Saysay pa ni Charlene, 2016 pa lang siya sukad nga miapil og mga beauty contest. Dili lang ang iyang ginikanan nga sila siCarmelita ug Leonidos mao ang miabiba kaniya, lakip na sab ang iyang mga igsuon nga sila si  Ruffa, Rhea Rose, Carmel Lou ug Grace Anne.

Matud pa ni Charlene nga mao kini ang mopalig-on kaniya sa matag higayon nga aduna siya’y salmutan nga mga kalihukan.

Dugang pa ni Charlene nga dugang panahon kini alang kanila nga magkatapok sila sa matag higayon nga moapil siya og indigay.

Nagsugod nga mirampa si Charlene sa edad nga 15 anyos. Si Yohanna Montecarlo mao ang nahimo niya nga unang handler.

Gipananghid gyud siya niini sa iyang ginikanan aron mosalmot og pageant sa ilang barangay didto sa Calong-Calong

Tungod kay gitugtan siya, gisuwayan lang kini niya aron sa pagsuta og haom ba siya sa industriya.

Naganahan sab si Charlene sa iyang unang pagsalmot gumikan kay mitan-aw ang iyang mga higala nga mao ang adunay labing kusog nga pag-abiba kaniya.

Gipadayon kini niya hangtod sab nga nakamugna na sila og glam team. Si Yohanna nagsilbisab nga hair and makeup artist ngadto kang Charlene.

Nahimong Q&A mentor ni Charlene si JL Lebumfacil. Si Jasscole Gerali mao ang iyang talent choreographer ug si John Lopez mao ang tighatag og update sa followers sa fan page.

Gani, aduna sab gyud siya’y assistant nga si Christian Ricaña ug aduna sab siya’y photographer nga si Ken Pau. Si Jezer Occeña mao ang nagsilbi nga designer alang sa mga pagahimuon nila nga mga photo shoot.

Ug alang sa iyang pagpaso, anaa ang iyang ate Yssa Gail ug ate Jhonette isip pageant walk trainers.

Mao kini ang mga tawo nga nagpaluyo sa iyang naangkon nga korona.

Dakong pasalamat ni Charlene nga gihatag kining mga tawo ngadto kaniya gumikan kay buhong gyud siya sa suporta bisan pa man og adunay higayon nga magduha-duha siya sa iyang kapabilidad.

Sa taud-taud niya nga pagsalmot, kanunay na kini niya nga gibawn nga pagtulun-an nga dili mawala sa iyang panumduman.

“Learn to acknowledge your flaws and imperfection first in order to trust your own capabilities,”hirit pa niya.

Esplikar pa niya nga dili gyud igo ang kompyansa sa kaugalingon kun kuwang ang pagdawat ug paghigugma sa kaugalingon.

Maingon ni Charlene nga mao kini ang iyang mga sikreto mao nga midaog siya karong tuiga.

Nakaamgo sab si Charlene nga dili kinahanglan siya nga mo-backout ug ipadayon ang iyang gisudlan nga karera gumikan kay dili niya angayan nga usikan ang kahago sa mga nagpaluyo kaniya.

“I also want to be an inspiration to everybody nga dili mo-give up diritso sa mga gustong buhaton kay believe me, mas nindot sa feeling ang success na daghan kaayo og struggles maagian just to get there”, padayag niya.

Karon nga siya ang nahimong rayna sa Toledo, gusto niya nga magpabilin nga si Charlene nga nailhan sa mga tawo kaniadto gumikan kay ang tinuoray nga mga nakoronahan mao ang mga nagpaluyo kaniya aron nga malangkat niya ang korona sa Binibining Toledo 2019.

Q AND A

BNH: How do you motivate yourself up on stage?

CHARLENE: Kun naa ko sa stage, nervousness is always there, and the fear to do things that will disappoint the crowd is always hunting me. Mag sige rajud ko og huna-huna na I shouldn't fail those people nga grabe og effort para lang nako ug sa akong success.

BNH: Unsa ka nga klase nga beauty queen?

CHARLENE: Ako ang beauty queen beauty nga mo-promote og positive change in the community. I could also consider kindness as an edge because kindness is just a very simple gesture yet a very powerful act that can change and transform people’s lives.

BNH: Unsa ang imong pageant advocacy?

CHARLENE: Reduction and elimination of cyberbullying through cyber-loving. Tungod kay karong panahona , most of us are engaged into social media which made our lives easier and more convenient. But we can't deny that there are also disadvantages. Social media is supposed to be a place wherein we can finally be ourselves and can express our thoughts freely but without hurting other people. But what happens now, is that it became a place wherein hatred, judgment and negativity reign. That is why I am promoting cyber-loving because through love, we could acquire unity and peace. If only we could spread love and positivity as fast as we spread hate and negativity, then we would live a wonderful world.

BNH: Unsa ang imong mga plano?

CHARLENE: Focus lang sa akong pagtuon. Mag-first year college nako sa Cebu Technological University- Main campus taking up Bachelor of Science in Mechanical Engineering.

BNH: If given a chance, unsa ang dagko nga pageants nga imong gusto nga apilan?

CHARLENE: Ang ako lang kay I get to show the beauty of a Toledana and bisag asa man guro is already a great experience. Apan kung mahatagan ko og tsansa nga makaapil og dagko nga pageant, ganahan ko moapil og Bb. Pilipinas ug proud gyud nako nga irepresentar ang City of Toledo.

FASTFACTS

Name: Charlene D. Canoy

Nickname: Chums

Nationality: Filipino

Address: Toledo City

Height: 5’7.

Weight: 53 kg.

Vital Statistics: 32-24-36

Hobbies: Surfing the internet, playing with kids

Facebook account: Charlene Canoy

Inspirational Beauty Queen: Catriona Gray

Motto: There is always sunshine after the rain; there are always good times after the pain.

Titles/ Achievements:

Miss Calong- Calong 2016

• Bb. Talavera 2017

• Miss Magdugo 2018

• Miss Kaduloy 2018

• Miss Libas, Leyte 2018

• Bb. Toledo 2019