Gerphil migradwar sa University of British Columbia

CEBU, Philippines – Mapasigarbohong gipahibalo sa Filipino classical singer nga si  Gerphil Flores nga nahuman na gyud niya ang kursong  Art History  didto sa University of British Columbia (UBC).

Nagsilbi na kini nga ikaduhang kurso sa “Asia’s Got Talent”   season 1 finalist  sanglit nahuman na niya kaniadto ang bachelor’s degree sa Music niadtong  2016 didto sa  University of the Philippines.

“I decided to study again. This time, I wanted to see the bigger view of what Art History (music, painting, sculpture, architecture, photography etc.) is all about. I applied at my dream school, the University of British Columbia, and luckily... I got accepted,” matud pa niya.

Politiko ang new BF  ni Sebastian

Gipublikar  na sa  model-actor nga si Sebastian Castro ang bag-o niya  nga boyfriend nga si Silang, Cavite Vice Mayor Aidel Paul Belamide.

Gipahibalo niya kini pinaagi sa iyang vlog entry sa YouTube nga nag-ulohan og  “The Guy I’ve Secretly Been Dating.

Suma pa ni Sebastian nga nagkauyab sila ni Aidel niadtong January 22, 2019.

“I’m about to show my boyfriend for the first time ever on my vlog.I’ve been hiding him for half a year.For context, I have not been vlogging for the last three months…I’ve been in a relationship for over half a year, and now,” saysay pa niya.

Tawagon ni  Sebastian si  Aidel og “Cavi” kun diin ang pasabot niini mao ang  Caviteño.

Gawas sa iyang pagka-politiko, usa usab ka anthropologist si Aidel.

Ang unang boyfriend ni  Sebastian mao ang kanhi  ABS-CBN reporter nga si Ryan Chua.

Na-link usab si Sebastian kaniadto ngadto sa TV host nga si Paolo Ballesteros.

Liza gioperahan og balik

Subling gipaubos sa  operasyon ang Kapamilya actress nga si  Liza Soberano  didto sa  Amerika gumikan sa injury sa iyang tudlo.

Suma pa sa aktres nga nag-agi siya og  operasyong nga gitawag og  internal fixation ug gibutangan og  stabilizer ang nabali niya nga tudlo.

“Nagkaroon ako ng bone infection tapos the doctor had to take out the titanium na nilagay noong nasa Philippines ako. Tapos after tanggalin, they had to put the stabilizer kasi hindi kaya ng bone na siya lang,” suma pa ni Liza.

Duha pa ka buwan  nga si Liza sa  Amerika gumikan kay ipaubos napud siya sa laing  operasyon nga dunay koneksyon sa  injury nga iyang naangkon atol sa  taping sa usa ka eksena sa seryeng “Bagani.”

“Six weeks kailangan nandito ‘yong stabilizer tapos 6 weeks din po ako mag-antibiotics.Kailangan ma-make sure na totally wala akong infection before we do the second operation, which is pang-fourth operation ko na,” dugang pa niya.

Kahinumdoman nga ang injury sa iyang tudlo maoy rason nga niatras si Liza sa movie project nga Darna.

Klea gitambagan sa mga rayna

Na-starstruck gyud ang Kapuso star nga si Klea Pineda   ngadto nila ni Pia Wurtzbach ug Catriona Gray sa dihang nahimamat niya kini sa usa ka kalihokan.

Usa si Klea sa mga kandidata  sa Binibining Pilipinas  ug nalipay siya gumikan kay  nakadawat siya og tips gikan  nila ni Pia ug Catriona.

“If you are thinking about joining Binibining Pilipinas just go for it, ‘cause your life will really change, I swear! Like my life really changed. And I can say this like, guys, manalo o matalo, magbabago talaga ‘yung buhay niyo,” tambag pa ni  Pia ngadto kang  Klea.

Samtang ang mensahe ni Catriona alang kaniya nagkanayon,”You know, just enjoy the journey and find why you’re doing it. There has to be a purpose behind it.”

Kyline pasok sa StarStruck Online Show

Si  Kyline Alcantara  ang mahimong  host sa  online show sa  reality-based artista search nga  StarStruck.

Gipamatud-an ni  Kyline nga gawas sa pag-arte ug pagkanta ,  maayo usab siya sa pag-host .

Ang maong  online show nag-ulohan og  Inside StarStruck ug puwerting lipaya ni Kyline nga masuwayan napud ang lahi nga klase nga programa.

“I am really happy because it’s an honor na makasali sa Starstruck, and I’m excited sa journey ko as their online host,” tsika pa niya ngadto sa GMA News.

Matud nga sa  Inside StarStruck unang  ibutyag ang  Top 22 hopefuls .

Nihatag usab og tips si Kyline sa mga tawo nga  interesado mosulod sa showbiz.

“Dapat dedicated ka talaga sa craft mo, and dapat alam mo talaga ‘yung goal mo sa pagiging artist o sa pagiging performer. Yun naman siguro ‘yung importante sa pagiging artista.Kumbaga, if you love your work, work lang nang work,” saysay pa niya.

Magsugod ang  Inside StarStruck karong  June 10, 6 p.m., sa official YouTube channel sa  StarStruck.

Jodi gisugat og “buwis-buhay” stunts

Gihulagway ni Jodi Sta. Maria   nga “buwis-buhay” ang iyang stunts sa horror movie nga Clarita, nga naghisgot sa babaye nga gisudlan og  demonyo .

Matud pa sa aktres nga dunay mga eksena nga kinahanglan gyud siya nga ibitay  sa kisame.

Wala matud pa mahimutang si Jodi sa maong eksena gumikan kay duna siya’y kahadlok sa “heights”.

Tungod sa grabe nga pisikal nga mga eksena,  nakaangkon gyud si Jodi og bun-og sa iyang lawas.

Nalakip pud sa maong pelikula sila si Ricky Davao, Arron Villaflor, ug Romnick Sarmenta. 

Milutaw ang chemistry

Wala damha ni Barbie Imperial nga mahimong usa siya sa mga bida sa pelikulang Finding You sa Regal Films kun diin kauban niya si Jerome Ponce.

Malipayon si Barbie gumikan kay nataypan dayon ang chemistry nila ni  Jerome hinungdan nga gipalapdan ang iyang role sa maong pelikula.

“Of course I feel so blessed kasi dapat cameo lang ako dito and then na-extend yung character ko so happy ako na nagustuhan nila yung chemistry namin ni Jerome Ponce,” tsika pa niya ngadto sa PUSH.

“Belle Douleur”

Mag-uyab ang role nila ni Mylene Dizon ug  Kit Thompson.  sa Cinemalaya entry  nga “Belle Douleur.”  Giatngan   sa katawhan ang init nila nga mga eksena.   Layo kaayo ang age gap nila  ni Mylene ug Kit.

Benefit show

Gipaneguro ni Vice Ganda nga makahuloganon ang pagsaulog sa ika-8 nga anibersaryo sa programa niya nga Gandang Gabi Vice. Target ni Vice nga mopahigayon og benefit show aron mapahimuslan gyud kini sa mga nanginahanglan og tabang.

Nakauyon sa direktor

Todo  ang pagdayeg ni  Ian Veneracion ngadto  kang Mikhail Red nga direktor sa upcoming zombie movie nga “Block Z.” Sila si Julia Barretto ug Joshua Garcia ang mga bida sa maong pelikula.  Matud pa ni Ian nga tulin kaayo ang pagdala ni Direk Mikhail sa maong proyekto.  Nalakip usab sa Block Z sila si Ina Raymundo, Maris Racal, Yves Flores, Dimples Romana, ug  Mccoy de Leon.

Wala’y tugpahay

Nagmalampuson ang mga show sa magtiayong  Ogie Alcasid ug Regine Velasquez didto sa US ug Canada. Pag-abot nila sa Pilipinas , nideretso dayon sila og tambong sa Star Awards for Movies 2019.

Katigi

Padayon ang init nga panagtigi sa   Idol Philippines matag Sabado ug Domingo.  ngadto sa kaatbang niini nga  Daddy’s Gurl ug  Studio 7 sa GMA Network.  Nagkalain-laing pakulo ang gimugna sa nahisgotan nga mga programa.

Direk Coco

Action-comedy ang idalit ni  Coco Martin sa umaabot nga  Metro Manila Film Festival karong  December 2019. Nasayran nga nalakip pud sila si  Jennylyn Mercado ug AiAi Delas Alas  sa maong proyekto. Si Coco ang mobarog nga direktor niini.

Project Kapalaran

Nagpanikad na sila si  Sylvia Sanchez, Joey Marquez, JM De Guzman ug Arci Muñoz sa umaabot nila nga proyekto sa ABS-CBN . Usa kini ka romantic-comedy series nga dunay working title nga Project Kapalaran.

Mobabag si mommy

Dili mosugot  si Jessa Zaragoza kun pananglitan pangulitawhan ni  Darren Espanto ang anak niya nga si  Jayda. Suma pa sa singer nga bata kaayo ang iyang anak  ug dili pa kini mahimong makauyab.

Friends gihapon

Gitataw sa  Kapamilya star nga si Ria Atayde  nga padayon pa sila nga nag-ilhanay ni JM De Guzman ug dili tinoud ang tsika nga matud pa duna na sila’y relasyon. “We’re still getting to know each other, friends talaga. I’m saying this all the time genuinely just friends,” suma pa niya.

Gihatagan ni Willie

Gihatagan og katumanan ni Willie Revillame, ang  pangandoy  sa  Tawag ng Tanghalan contestant nga makabaton og drone alang sa iyang anak.    Kahinumdoman nga gitawagan ni judge Ogie Alcasid si Willie sa miaging adlaw ug gi-live gyud kini sa It’s Showtime.  Gipahatod na ni Willie ang drone sa miaging adlaw.

Future ni Shaina

Tsika pa ni Shaina Magdayao nga dili matagna ang dagan sa panahon. Na-link  si Shaina ngadto kang Piolo kaniadto.   Matud pa niya nga posibleng mahimo niya nga “future”  si Piolo.  Wala gitataw ni Shaina ang tinud-anay nga istado nila ni Piolo pipila ka tuig na ang nilabay.