Throwback photo

CEBU, Philippines – Nag-viral karon ang hulagway nga gi-upload ni Dawn Zulueta sa iyang social media account. Usa kini ka throwback photo niadtong dalaga pa siya nga naka-swimsuit. Matud pa ni Dawn nga ang maong hulagway kuha kini sa Biri Island didto sa  Eastern Samar niadtong 1991. Daghan sab gyud ang nangangha sa maanyag nga postura sa aktres.

Toxic na

“Toxic” matud pa ang social media alang sa ‘It’s Showtime’ host nga si Teddy Corpuz. Kinahanglan na niya nga biyaan una kini sa makadiyot gumikan kay dili na maayo ang iyang mga nakita.  “Sobrang toxic to the point na nakakadiri na mag-online. ‘Yung mga pekeng Instagram pictures mo with your sunod sa uso filters topping off with some random intellectual caption or quote na wala namang kinalaman dun sa pic mo”, suma pa ni Teddy.

Miatras

Wala magmahay si 2019 Binibining Pilipinas finalist nga si Sandra Lemonon nga mo-back out isip housemate ni Kuya sa ‘Pinoy Big Brother: Otso’. Personal nga desisyon ang gibutyag nga rason ni Sandra. Usa sa mga prayoridad ni Sandra mao ang pagpangandam alang sa sunod niya nga pageant gumikan kay mosalmot siya sa sunod tuig sa Miss Universe Philippines.

Makauban ni Sarah

Gipaila na kun kinsa ang makauban ni Sarah Geronimo sa umaabot nga bidahan niya nga pelikula karong 2019 nga ‘Unforgettable’. Makauban niya sila si Ara Mina, Meg Imperial, Kim Molina, Yayo Aguila ug Gina Pareno.

Mahadlok og ungo

Bisan sa kabagis nga awra sa Kapuso aktor nga si John Estrada apan matud pa niya nga mahadlok siya sa ungo. Nagsugod ang iyang kahadlok niini tungod sa duwaan nga train. Asoy pa ni John nga human namatay ang iyang apuhan, nitingog og kalit ang duwaan nga train nga walay baterya. “Nakita kong tumunog yung train kong yon, may ilaw yon sa bandang taas kung saan lumalabas yung parang usok no’n. Umilaw yon tapos tumunog habang nasa taas ng aparador namin pero sira na talaga. Kitang-kita yon ng mga mata ko,” estorya pa ni John.

Gi-hack ang page

Gikumpirma sa vocalist sa Parokya ni Edgar nga si Chito Miranda nga gi-hack ang Facebook page sa ilang grupo. Matud pa ni Chito nga gitangtang silang tanang miyembro niini isip admin sa ilang page.

Tak-om lang

Wala gyud mitingog ang kampo sa kanhi beauty queen nga si Angelica Alita ug Jolo Revilla kun engaged na ba sila. Ang duha pabilin nga tak-om kun unsa na ang estado sa ilang relasyon. Daghan ang nakamatikod nga nagsul-ob og singsing ang beauty queen sa wala nga kamot niini.

Nabalaka sa pagsabak

Gibutyag ni Mariel Rodriguez nga nakabati siya og kabalaka sa dihang nasayran niya nga nagsabak siya sa ikaduhang anak nila ni  Robin Padilla. “I was worried. This one is a super surprise, I wasn’t planning it at all, I was in tears. I was worried na how will Isabella react. Kasi she’s the sun and moon and the world in the house. She’s the princess”, suma pa ni Mariel.

Tatak Pinoy

Ang pelikula nga gibidahan ni Pokwang nga “Oda sa Wala” mao ang usa sa motigi sa film festival didto sa Czech Republic nga ‘Karlovy Vary film fest’ karong Hunyo. Gani, human sa maong filmfest, mahimo sab kini nga kabahin sa Camera Lucida section sa Fantasia International Film Festival sa Montreal.

Dugay pa  mahuman

Gikumpirma ni Dimples Romana nga dili pa karong tuiga mahuman ang iyang karakter nga si Daniela gumikan kay mas patas-on pa niini ang ilang mga init nga eksena ni Romina Mondragon nga gidala ni Beauty Gonzales. Nagpasabot kini nga moluntad pa og dugay sa  ere ang maong serye matag hapon.