Ormocanon, andam na sa MPE!

CEBU, Philippines – Todo ang pagpangandam karon sa pambato sa KFCebu sa Miss Earth Philippines nga mahitabo karung Hulyo niining tuiga. Si Donna Ceniza, 23 anyos, lumad nga taga Ormoc mapasigarbuhung mubitbit sa kaanindot sa iyang yutang natawhan alang sa maong prestihiyusong indigay sa kaanyag.

Gradwado siya sa kursong Bachelor of Science in Business Administration sa Western Leyte College.

Gipaambit niya nga pangandoy gyud niya nga makatungtung sa entablado sa mga nagkadaiyang national pageant mintras dalaga pa siya.

Usa siya ka ramp supermodel sanglit ubay ubay na sab nga mga national ug international fashion shows ang iyang nasalmutan.

Gani, fitting mannequin siya sa nabantog nga world-class Filipino designer, Carry Santiago, ug halos tanang mga fashion show niini, nirampa siya sul-ob ang mga nagkadaiyang biste nga gimugna sa nahisgutan.

Nahimo sab siyang Miss Ormoc niadtung 2013 ug usa sa daling mabantayan kaniya mao ang iyang taas nga height nga moabut og 5’9 and 1/2".