Nakadawat og standing ovation

CEBU, Philippines — Nakadawat og standing ovation gikan sa audience ang pelikulang “Ang Hupa” sa bag-ohay lang nga Cannes Film Festival.

Nitungtong dayong sa entablado ang mga bida niini nga sila si  Shaina Magdayao ug Piolo Pascual ug nagpasalamat sa mga tawong nahimout sa ilang pelikula.

Dakong garbo alang kang Piolo nga nakatrabaho niya og balik ang banggiitang direktor nga si  Lav Diaz  kinsa nakatrabaho niya kaniadto sa  “Norte, Hangganan ng Kasaysayan” niadtong 2013.

Julia ‘nagparamdam’ og balik

Human sa taod-taod nga pagpakahilom  sa limelight ,  kalit lang nga nabanhaw sa social media ang aktres nga si Julia Montes .

Nagpasalamat si  Julia sa ABS-CBN kinsa nagsaulog sa  ika-65 ang anibersaryo niini.

“Maraming Salamat po sa istasyong patuloy na tapat nagseserbisyo at nagpapasya sa ating mga Kapamilya saan ma'ng sulok ng mundo... Salamat din po na sa 65 years ay isa po ako sa binuo nyo ang mga pangarap... Maraming salamat sa lahat ng oportunidad na ibinigay ninyo sa akin para mapakita ang konting pong kakayahan kong binigay ng Diyos... Salamat pong muli KAPAMILYA,” suma pa sa iyang IG post.

Wala gihapon motingog si Julia sa mga isyu nga iyang nasugatan.  Usa  sa mga intriga nga iyang nasugatan nga matud pa nanganak na siya  ug  si Coco Martin ang amahan sa bata.  Kever lang si Julia sa maong  tsismis.  

Pagbanhaw sa Spice Girls gikagobtan

Gisugdan na dili pa lang dugay ang reunion tour sa  90’s girl group nga Spice Girls ug didto kini nanukad sa Dublin, Ireland .

Matud pa nga gikagobtan pag-ayo ang paglugwa sa Spice Girls sa entablado  gumikan kay hagbay ra gimingaw kanila ang ilang fans.

Twitter Ads info and privacy

Ang Spice Girls gilangkoban nila ni  Melanie Brown, Melanie Chisholm, Emma Bunton, Geri Halliwell,ug  Victoria Beckham.

Wala katambong sa  Mel B gumikan sa wala damha nga kakulian sa lawas.  Ubay-ubay pa nga mga show ang nakalinya sa Spice Girls karong tuiga.

Ang maong grupo maoy nagpasikat sa Wannabe, Stop  Viva Forever ug uban pa.

A Christ-centered Queen

Ang kinabuhi sa tawo nagtuyok lang gyud sa kalibutan busa kinahanglan gyud nga maglingaw  aron maangkon ang bulawanong kinabuhi.

Usa kini sa nga gitanom sa panumdoman sa napili nga Lakambini ng San Fernando 2019 nga si Shella Mae Dela Calzada Adlawan.

Gipasabot ni Shella nga normal lang gyud nga dunay mga pagsulay apan wala nagpasabot nga mo-surrender na kita sa kinabuhi sanglit daghan pa nga mga butang nga makahatag og kalipay sa usa ka tawo.

Mahiligon si Shella og nga challenging nga mga butang ug usa na niini ang pagsalmot og mga indigay.

Pinaagi niini, nawala ang iyang pagkamaulawon sanglit naanad naman siya sa pag-atubang sa bagang duot sa katawhan.

Sama sa bituon nga nagsidlak-sidlak si Shella atol sa iyang kadaogan gumikan kay mugna ni Rhodel Silva ang iyang korona ug sash.

QandA

 Banat Hugyaw: Unsa imong gibati human ka nidaog isip Lakambini ng San Fernando 2019?

Shella Mae: Grabe jud nga kalipay akong gibati human ako nakadaog isip Lakambini ng San Fernando tungod kay ang tanang kahago kay nabawsan og kaayo,unya kabaw ko nga proud kaayo ang among barangay nga grabi ka supportive asta akoang pamilya nga nakapadagdag sa akoang confidence tungod kay naamoa ang korona.

Banat Hugyaw: Karon nga naghupot ka’g korona, unsa nga advocacy ang ganahan nimo nga ipatigbabaw?

Shella Mae: Sa screening palang daan, ako jud ning gikuhaan og kusog akong advocacy nga 'Christ Through Children' kung diin ang tumong niini nga impluwensiyahan ang mga bata nga mas mutuo sa atoang Ginoo ug mas mag ampo pinaagi sa catechism, gasugod na kini karung buwana (Mayo) nga ginitawag og Flores De Mayo, tungod aning 'Christ Through Children' mapailaila og maayo ang Ginoo pinaagi sa mata sa mga bata ug mas malamdagan nga dili nila sila impluwensiyahan og bati, ilabi na sa panahon karun nga sa atong katilingban  ang mga bata pukos kaayo sila sa mga lingaw lingaw gamit ang social media , in fact, kani akong advocacy inspired sa mga panghitabo about sa  Momo Challenge nga ang biktima jud mga bata, kabaw ko nga ang kakulang sa pagsalig sa Ginoo maoy nakapaingon ato, usa pa ang kakulang sa mga ginikanan nga pagabantayan o imonitor ang kalihukan sa ilahang mga anak. Usa pud sa programa mao ang  ang pasugpo sa kabataan nga nahimong instrumento sa mga kriminalidad ug mga ngil -ad nga mga buhaton nga sa ilang gibataon , kabaw na sila mahimong kawatan, snatcher, gamit og drugs ,ug uban pa. Maong karun nga nana koy korona, mas mas lig on naku nga ipadayun ang akong adbokasiya  nga “Christ Through Children'.

Banat Hugyaw: Nganong hilig ka moapil og pageants?

Shella Mae: Hilig ko moapil og pageants simply because I learn and earn. I used to learn tungod para naku, dili ra kini pagpasundayag kon unsa ka kagwapa, ka-sexy, ka-talented, kataas o ka-bright kundi pagpasundayag nga you dare to stand against all odds and you dare not to care about the standard being set by the society when it comes to pageantry . And I earn tungod kay ang pageant makapa boost sa confidence ilabi na I used to become financially independent sa akoang basic needs ilabi na sa akoang sitwasyon nga gibuhi rako sa (akong) auntie.

Banat News Hugyaw: Kanus-a ka nagsugod sa pag apil -apil og pageant?

Shella Mae: Nagsugod ko sa pag apil  og pageant ga -edad kog 12 years old.

Banat News Hugyaw: Unsay makapasuko nimo?

Shella Mae: Makapasuko kaayo naku ang tao nga may lang sa saad, mang -api apihon, hinawayon, libakera, feeler ug judgemental. Ilabi na when it comes to pageantry nga mang-down, makapasuko kaayo na nako.

 Banat News Hugyaw: Your  goals ug dreams.

Shella Mae: I always dream to become a broadcaster and a teacher at the same time, and my goal is to become a successful woman sa akoang field, makapundar og kaugalingong balay. Ganahan ko makabalos sa mga tao nga nitabang kanako ilabi na sa akong iyaan sa  Simala ug dri sa San Fernando.

Banat News Hugyaw: Kun makahupot ka og dakong kantidad sa salapi unsaon nimo kini?

Shella Mae: If makahupot ko og dakong kantidad sa salapi ,akoa kining igahin sa akoang pag -eskwela, ilabi na karun nga galisud jud ko kay mag-college na baya ko .

Banat Hugyaw: Your good qualities as a person.

Shella Mae: I am so determined, God-fearing, responsible, caring and respectful.

Banat News Hugyaw: Alang kanimo, unsa ang imong best asset?

Shella Mae: Paranako ang  best asset naku ang akoang mata.

 Banat Hugyaw: Kun dunay nanguyab nimo, unya dili nimo siya feel, unsaon nimo siya pagbasted nga dili siya malain?

Shella Mae: Ako siya ingnon nga, "Haluh kuya bata pa raba ko, eskuyla saku ya ha ikaw sad"

Banat Hugyaw:  Naa ka’y uyab karon?

Shella Mae: Wali man hahaha.

FASTFACTS

Name: Shella Mae Dela Calzada Adlawan

Nickname: Pit Pit

Age: 19

Date of Birth: February 15, 2000

Nationality: Filipino

Favorite song:  A million dreams

Favorite movie: Resident Evil

Favorite TV  station: ABS-CBN

Celebrity Crush :  )James Reid

School: Simala National High School

Course: General Academic Strand

Height: 5'0

Motto: "You will never be brave if you don't get hurt. You will never learn if you don't make mistake. And you will never be successful if you don't encounter failure."

Previous Titles:

 Miss Upper Simala 2012

Miss Simala 2017

Miss Lengigon 2017

Miss Upper Magtalisay 2017

Miss Guia 2018

Miss Gahad Universe 2018

Mutya ng Suba Pandan 2018

Binibining Sibonga 1st Runnner Up

Miss Area Schools Press Conference 2018

Miss District Schools Presscon 2019 2nd Runner Up