Maglisod og laag

CEBU, Philippines – Karon nga daghang grasya nga miabot karon sa karera ni Marco Gumabao, matud pa niya nga wala na siya’y panahon molaag. Trabaho, gym ug balay na lang ang mabisita ni Marco sa usa ka adlaw. Giingong nagkasaka na og samot ang career sa actor.

Darna audition

Tungod kay miulbo karon ang taho nga nagpangita na karon kun kinsa ang sunod nga mahimong Darna. Wala gyud magpaulahi si Alex Gonzaga sa pag-upload sa iyang entry sa iyang Youtube Channel. Ang titulo sa maong video mao ang “Darna Audition” kun diin nagsul-ob gyud siya og costume sa Darna ug nagpakita sa iyang nakamahuang pakalog.

Extended ang exposure

Extended ang karakter ni Lorna Tolentino isip Lily sa FPJ’s Ang Probinsiyano. Matud pa ni Lorna nga taud-taud pa siya nga makita sa maong programa tungod sa ka misteryoso sa iyang karakter.

Dili makigkompetensiya

Nahiubos gamay si Sharon Cuneta nga magdungan og pagawas ang salida nilang duha ni Julia Barretto nga “Kuwaresma” ug “Between Maybes”. Matud pa niya nga dili siya makipagkompetensya niini tungod kay lahi ang dagan sa istorya niini. Hangyo ni Sharon nga unta suportahan ang ilang pelikula. Nahimong anak ni Sharon si Julia sa pelikula nga “Unexpectedly Yours”.

Breastfeeding

Mi-esplikar si Jennica Garcia kun nganong gidawat  niya ang tanyag nga mahimong endorser sa usa ka formula milk. Usa ka advocate ang aktres sa breastfeeding nga mao gyud ang iyang gihingusgan kaniadto pa. “I’ve counseled mothers who were raped and molested. The act of breastfeeding reminds them of their dark past. Who am I to keep insisting something that the mother is not comfortable doing? Yes, a mother can go to a hospital and ask for donated breastmilk, pero hindi ba minsan ay wala na rin mabigay ang ilang hospital? This makes me grateful to God that gone are the days when a can of full cream milk is diluted and fed to a newborn child. Because now, mothers have better options”, pagpasabot pa bi Jennica.

Gikilig

Gikilig og maayo  si Yassi Pressman sa dihang gisupresa siya  ni  Coco Martin atol sa iyang birthday. Ang road manager nga si Elle Tagaca mao ang mi-upload sa Instagram account kun diin makita maalaan siya nga fan ni Coco.

Nauyonan

Nagsugod na sa pagkanta ang  GirlTrend member nga si Krissha Vijje gumikan kay nangita na gyud siya og paagi nga makaangkon og kauglingong spotlight  pinaagi sa pag-udition sa  Idol Philippines ug gikanta niya ang awit nga gipasikat sa Itchyworms nga “Di Na Muli”. City.

Makabirit gihapon

Gipamatud-an ni Angeline Quinto nga makabirit gihapon siya bisan og na-pressure. Sa episode sa “Gandang Gabi Vice”, mibirit gihapon ang singer bisan og  nipaubos na sa challenge kun diin hikapon ug ibalhin  niya sa laing luna ang mga mananap sama sa iguana, bitin ug baki.

Langas mokanta

Mipaubos sa Idol Philippines audition ang ‘Bolt og Talent’ winner nga si Lance Busa. Matud pa ni Vice nga aduna kini nindot nga tingog apan langas lang. Dugang pa ni Vice nga dili moubra ang iyang kinantahan kun padayon kini nga langas samtang nagkanta.

Midaog sa ACIMF

Midaog ang pambato sa nasud nga Acapellago sa nahitabong A Capella International Music Festival nga nahitabo sa Moscow, Russia. Ang maong grupo midomar sa pop category kun diin 26 ka mga nasud ang ilang nakatigi.