Nonoy umaming matagal nang hiwalay sa asawa

Dahil sa third party

Kinumpirma ni Nonoy Zuñiga na matagal na silang nagkahiwalay ng asawang si Grace Maroket. Ayon sa OPM icon ay tatlong taon na ang nakalilipas nang magkahiwalay sila ng kanyang misis. “I have to put this on record na lang. Hiwalay na ako since 2016,” pagtatapat ni Nonoy.

“Kasi may lumalabas pa rin para tama na ‘yung news. We have to say what is right, gano’n lang. Kasi ‘yung iba nag-i-speculate. Para wala ng speculations,” giit pa ng singer.

Ano nga ba ang tunay na dahilan ng hiwalayan ng mag-asawa? “Third party, ‘yon talaga ang cause and other things na minor lang. Pero ‘yon talaga ang major,” sagot ni Nonoy.

Sinubukan pa raw noon ng singer na ayusin ang gusot sa relasyon nila ng asawa pero humantong din ito sa hiwalayan. “I went to the US to save the marriage pero wala talaga. At least I’ve tried,”  pagtatapos niya.

Khalil, maraming bagong na-discover sa gf na si Gabbi

Sa kauna-unahang pagkakataon ay nagkatambal sina Khalil Ramos at Gabbi Garcia para sa pelikulang LSS (Last Song Syndrome) na makakalahok sa Pista ng Pelikulang Pilipino sa September. Hindi raw inakala ng aktor na magkakasama sila sa proyekto ng kasintahan.

“It was weird in the beginning. Kasi we actually never thought about working with each other. Actually sa start nga sinabi namin sa isa’t isa, we don’t want to work with each other. Kasi ‘yung foundation naman is not the work environment. Pero we were offered LSS and we loved the script agad,” pagbabahagi ni Khalil.

Nakaramdam ng pagkailang ang aktor na umaarte sila ni Gabbi sa harap ng kamera para sa nasabing proyekto. “Once we got on the set together, sa simula it felt a bit kapa-kapa pa, a bit awkward. Kasi I never really had an experience with her in the working environment. Pero eventually we got the hang of it. We were super nervous kasi hindi namin alam kung effective ba kami onscreen. Kung may chemistry ba kami onscreen. So super nag-worry kami sa start. But we got a lot of good feedback which made us feel super relieved and everyone’s so excited,” kuwento ng aktor.

Habang nagsu-shooting ay maraming mga bagay pa ang natuklasan ni Khalil sa kasintahan. “It was my first time to see her work ethic as an actress. Kasi usually I visit naman at her endorsement shoots. I saw her dedication talaga. Aminado kasi siya na she was very nervous kasi she hasn’t acted in a movie as lead talaga. Mostly teleserye ‘yung mga nagagawa niya. Different techniques and different approaches. I loved her honesty when it come to accepting the project. And I saw her drive talaga na she really wanted to learn. Sinabi niya sa akin na when we work, I don’t have to treat her special. Basta if she needs help or I need help, tulungan lang kami. Very professional and lalo ko lang siyang na-admire because I saw that work ethic,” nakangi­ting pahayag ni Khalil.  (Reports from JCC)