Darna karong2020 pa molupad

CEBU, Philippines — Gibutyag sa direktor sa Darna nga si Jerrold Tarog  sa 2020 pa ang target sa pagpasalida  sa maong pelikula  ug padayon gihapon ang pagpangita sa mahimong bida niini.

Kahinumdoman nga niatras si Liza Soberano sa maong proyekto gumikan sa naangkon niin nga injury sa tudlo.

“Naghahanap pa ng Darna,” suma pa sa direktor.

Suma pa ni Jerrold  nga nakit-an gyud niya ang sakripisyo ni Liza kaniadto alang sa maong proyekto apan nakasabot ra siya sa desisyon sa aktres  sanglit importante gyud ang panglawas niini.

“Oo kasi, I did many things to the story to make sure na nagpi-fit doon sa personality ni Liza, but siyempre mas importante talaga ang kalusugan niya, so tanggap ko naman,” dugang pa niya.

Hangtud karon, ubay-ubay gihapon ang mga nanggawas nga pangalan nga angayan matud pa mahimong Darna base sa mga sugyot sa netizens.

Kini sama nila ni Maja Salvador, Pia Wurtzbach, Maymay Entrata, Julia Barretto, Kathryn Bernardo,ug  Nadine Lustre.

“Sa akin ang mas importante, ang marunong siyang umarte. Mas acting ability ang hinahanap ko, at ‘yung charm and presence niya sa script,” suma pa ni  Jerrold.

Nagpanikad na sa resulta

Dunay mga higayon nga gisuwayan nila og ikyas ang kagubot  sa kalibutan sa showbiz.

Mao kini ang dagan sa istorya sa upcoming movie nila  ni Gerald Anderson ug Julia Barretto nga “Between Maybes”.

Nagpanikad na ang duha sa mahimong resulta sa maong pelikula ilabi na nga mao kini ang unang higayon nga nagpares sila sa usa ka proyekto. 

Liza pasok sa mugna ni Arci

Si  Arci Muñoz mismo ang nibarog isip direktor sa music video sa  “Estella”  nga giawit sa banda niya nga Philia.

Nalakip sa music video ang Kapamilya actress nga si   Liza Soberano.

Nasayran nga gawas sa pag-arte,  aktibo usab si  Arci sa  pagkanta.

Saktong panahon

Giangkon ni  Edward Barber nga dunay mga tawo nga nimandar kaniya nga kinahanglan nga magkauyab dayon sila ni Maymay Entrata aron mousbong og samot ang ilang career . Suma ni Edward nga walay angay nga dalian.

Lami og lovelife

Malipayon kaayo si  Robi Domingo sa dagan sa iyang lovelife karon  nga  layo kaayo sa mga intriga.  Suma pa ni Robi nga dili taga showbiz ang iyang uyab  hinungdan nga tulin ra kaayo ang ilang relasyon.

Wedding singer

Dunay gamay nga partisipasyon  si Anne Curtis sa pelikula ni Ai Ai delas Alas nga  Sons of Nanay Sabel.  Modala siya isip wedding singer ug seguradong maliki ang motan-aw sa maong pelikula.  Gawas kang Ai Ai, nalakip pud sa Sons of Nanay Sabel ang grupo nga Ex Battalion.

Giplastada na

Gibandera na ni  Clint Bondad ang relasyon nila sa modelo nga si Chelsea Robato.  Si Clint maoy ex-boyfriend ni Miss Universe 2018 Catriona Gray.  Sweet kaayo ang duha base sa ilang mga hulagway sa social media.

Nagpahayahay sa USA

Todo bakasyon si Lovi Poe sa  Los Angeles, U.S.A. Nasayran nga taod-taod na  nga naglaroy-laroy ang aktres sa maong dapit.  Gipahimuslan  ni Lovi ang higayon samtang wala pa siya’y mga proyekto sa showbiz.

Swak sa uyab

Tsika pa ni Glaiza de Castro nga nahimout og maayo ang iyang boyfriend nga si  David Rainey sa dihang nakatikang kini sa gipalit niya nga property sa  Baler, Aurora. Suma pa ni Glaiza nga usa ka surfer  ang iyang uyab ug swak kaayo ang gipalit niya nga property sanglit duol kini sa dagat.

Kawatan sa una

Giangkon ni  Tony Labrusca nga mangawat siya sa tindahan sa una.  Apan giklaro sa aktor nga hagbay ra niya gibiyaan ang maong kinaiya. Gihangyo niya ang iyang fans nga dili sundon ang iyang binuhatan sa una gumikan kay dili kini maayo.

Challenging ang role

Giangkon ni Miles Ocampo nga dili  basta-basta ang karakter niya sa horror movie nga  Maledicto. Gidala niya ang babaye nga nasudlan og demonyo. “Sobrang nagdalawang isip ako na tanggapin ang project dahil nga exorcism siya,” pag-angkon pa ni Miles.

Nadayon na gyud

Nadayon  na gyud ang plano nila ni Megan Young ug Mikael Daez nga motikang sa Iceland.   Suma pa nga taod-taod na gyud nila kini nga plano sanglit naa kini sa  ilang listahan sa mga lugar nga ilang gipangandoy nga suruyon.

JK nagyawyaw napud

Wala mahimuot ang singer nga si JK Labajo  sa pipila ka concertgoers nga kusog kaayo magyaga-yaga sa  performers sa entablado.Wala na gidetalye sa singer  kun diin kini nahitabo apan iyang gihulagway nga nagpakaulaw lang gyud ang maong concertgoers. “Puro pagpapansin ang ginagawa sa mga gigs ng mga taong walang modo na nakikisabay lang sa bandwagon ng mga ulol na walang ibang magawa sa buhay kung hindi ay mambastos sa artist na nagpe-perform sa mga lugar nila.Mga walang respeto sa kapwa. mga walang hiya. Naawa ako sa mga magulang ninyo,” suma pa sa iyang IG post.

Excited kang Maricel

Nagpanikad na si Janella Salvador  nga makatrabaho  ang beteranang aktres nga si  Maricel Soriano sa horror movie nga The Heiress” . Suma pa ni Janella nga dakong garbo alang kaniya nga makauban sa trabaho  ang usa ka diamond star. Ang mao

ng pelikula gidumala sa  Regal Films.

Pasok na sa Top 13

Nakasulod na sa Top 13  ang  Filipino singer  nga si Jej Vinson sa kasamtangang season sa  “The Voice” didto sa Amerika.

Nauyonan si  Jej sa iyang coach nga si  Kelly Clarkson ug siya ang giluwas sa iyang team.

Kahinumdoman nga nag-trending ang iyang performance kaniadto sa dihang gikanta niya ang Love Lies ni  Khalid. 

8M followers na

Nagmaya si Kathryn Bernardo gumikan kay nisaka na og maayo  ang  gidaghanon sa iyang followers   sa Instagram .

Todo pasalamat  ang aktres sa iyang 8 million followers  nga nisuporta gyud sa iyang career.

“It’s a little late, but thank you to my 8M family and friends,” suma pa sa iyang IG post.

Misamot kakusog

Nagkainit ang mga eksena sa  teleseryeng “Kadenang Ginto”  ug kanunay gyud nga trending ang banatanay  sa mga karakter nila ni  Dimples Romana ug Beauty Gonzales.

Napanglantawan sa suking viewers niini nga posibleng ma-extend ang maong teleserye tungod sa kakusog niini.

Nasayran nga kanunay gyud nga i-share sa netizens ang mga link sa episode sa maong serye.   Nalakip pud sa maong serye sila si Andrea Brillantes ug  Francine Diaz.

Fil-Am actress nominado sa Tony Award

Sa ikaduhang higayon,  nakalangkat og nominasyon  ang Fil-Am actress nga si Eva Noblezada sa Tony Award

Nominado si Eva sa ketegoriyang Best Actress in a Leading role in a Musical   ug makatigi niya sila si Kelli O’Hara (Kiss Me, Kate), Beth Leavel (The Prom), Catlin Kinnunen (The Prom) ug Stephanie J. Block (The Cher Show). Nasayran nga nataypan ang pag-arte ni Eva isip Eurydice sa Hadestown sa Broadway .  (Sanden J. Anadia)

Madilatar ang honeymoon

Niadtong Disyembre pa gikasal sila si Max Collins ug Pancho Magno apan wala pa gyud madayon ang plano nila nga honeymoon gumikan sa ka-busy nila sa showbiz.Na-busy karon si Max sa teleseryeng Bihag sa GMA-7.

“We’re not trying right now because we have work. So ako, since itong “Bihag” umeere na, ‘tapos siya kaka-start lang niyang mag-taping, hindi pa namin kaya,” saysay pa ni Max ngadto sa PEP.

Nalakip usab si Pancho sa teleseryeng   “Dahil Sa Pag-ibig” nga gibitoonan nila ni  Winwyn Marquez, Sanya Lopez ug Benjamin Alves.

Kun makabaton na sila og oras, target nila nga mag-honeymoon sa Europe.

“Depende rin sa schedule, maybe more of next year. It’s about timing din, ayaw naming biglain kasi siyempre mahirap talaga, e. Mahirap pag hindi ka handa,” dugang pa sa aktres.