Nagkalawom ang panaghigalaay

CEBU, Philippines – Giangkon nila ni Rita Daniela ug  Ken Chan nga nagkalawom  na og maayo ang pag-ilhanay nila sa usag-usa nga nag-ugat sa dihang  nagkauban sila kaniadto sa teleseryeng “My Special Tatay”.

Gitataw hinoun nila nga friends gihapon ang ilang istado.

“I see him in my life forever. Kasi now that I know his desires and plans for his life, nakaka-admire. And ang sarap mangarap kung ‘yung tao na ‘yun parehas din kayo ng gustong abutin,” saysay pa ni Rita ngadto sa GMA News.   Nausab matud pa ang plano ni Rita nga  mobiya sa showbiz.

“Really I was ready to say goodbye to my career here in the Philippines. I was ready to finish my contracts. I’ve set my plans in the future pero ito siya. It changed,” dugang pa sa aktres.

Alyssa gitambagan ni Mommy Raquel

Gitambagan  sa inahan  ni  Jake Zyrus nga si  Raquel Pempengco ang singer nga si Alyssa Quijano  nga dili na kinahanglan  nga mogamit pa sa  kaagi niini sa iyang anak alang sa publicity niini.

Kahinumdoman nga ni-audition si Alyssa sa Idol Philippines ug nahisgotan nga natanggong gyud ang  talento niya sa pagkanta sukad sila nagkauyab kaniadto ni Jake.

Suma pa ni Alyssa nga daghan gyud siya og nasakripisyo  sa dihang uyab sila ni Jake  ug nibiyaan gyud niya ang iyang pagkanta. Nausab matud pa ang iyang kinabuhi ug napadaplin niya niadtong higayona ang gimahal niya nga talento.

Kasley  in a dozen

Gown and Make-up:  Malayka Yamas

Hair:  Aura Verallo

Bisan sa kabata pa sa iyang pangedaron,  dili kakompyansahan  ang abilidad sa 12 anyos  nga Sugbuanon nga si Kasley Malaika Libres  kinsa pambato sa nasud sa umaabot nga Miss Teen Universe 2019.

Ang maong indigay mahitabo sunod bulan didto sa Europe ug todo na ang pagpangandam ni Kasley niini.

Si Kasley maoy kasamtangang naghupot sa  titulong Teen Princess Philippines 2018 .

Dakong garbo alang kang Kasley nga makasalmot sa usa ka international pageant busa itodo gyud niya ang “best” aron lang gyud mosidlak sa maong indigay.

Nagpasalamat si Kasley sa mga Sugbuanon  sa init nga suporta nga gihatag niini ngadto kaniya .

Ania ang 12 facts kabahin kang Kasley

1.  Athletic ko kay 3 1/2 yrs old pa lang ko, nagsugod nako og  kat-on  sa  pag -swim ug hilig ko  og outdoor activities like ziplining ug extreme water rides.

2.  Maldita ko tan-awon that’s why ma- misinterpret gyud ko permi sa uban. Sa tinoud lang, sweet ko nga pagkatawo.

3.  Niwang ko tan-awon pero makahurot ko og usa ka plato nga puno sa rice.

4.  Medyo  bugay ko gamay.

5.  Four  years old ko kay nagsugod nako og  rampa, (modeling),  sa may Metro Ayala food court 4th floor.

6.  Mura ko’g dili mabuhi kun dili maka-kaon og chocolate, ice cream ug leche flan.

7.  Ganahan ko mo kanta pero ang kanta dili  ganahan nako.

8.  Kikayon pud ko kay hilig ko mga bows or hair accessories pero samukan ko usahay, ganahan pud ko stylish na outfit

9.  Inspiration nako si ate Steffi (Aberasturi),  Ariana Grande ug K-pop idols like Blackpink ug BTS.

10.  Dili ra ko laagan, ganahan rako permi mo-stay sa balay .

11. Grabe kay ko modala sa akong things especially sa akong room, daghang notes ug mga rules

12.  Hilig kaayo ko og acting atubangan sa mirror.

K-Pop stars  magbaha

Nagmaya ang  mga Pinoy nga  K-Pop fans human niulbo ang report nga motikang sa nasud  ang  ilang idolo  nga NCT 127  karong  June  alang sa usa  ka music festival ug kauban niini ang sikat pud nga  Red Velvet .

Nalakip pud sa listahan nga motikang sa nasud mao ang ubang  K-Pop artists nga sila Kim Dong-han ug  Sohee . Pasok usab  ang girl group  nga Elris .

Ang NCT 127 maoy nagpasikat sa  “Wakey-Wakey,” “Simon Says,” “Regular,” ug “Cherry Bomb”.   Gipasikat usab sa  Red Velvet  ang “Bad Boy,” “Peek-A-Boo,” “Power Up,” ug  “Red Flavor.”

Nadawat na gyud ni Coco

Gipistahan pag-ayo sa netizens ang  Facebook post ni Analiza Regalado sa miaging adlaw kun diin gisaysay niya nga iyang nakit-an ang usa ka tiguwang nga lalaki nga   fan ni Coco Martin nga naghupot og  portrait sa  aktor .

Gipangandoy sa maong tawo nga mahatag niya kini kang Coco.

“Nakita ko to si lolo sa gilid ng stage trying na maiabot to kay Coco Martin pero nabigo siya kasi ang dami ng tao at ang sabi ko ‘Lo hayaan mo po at least nakita muna po yung idol mo’ sabay ngumiti siya at ang sabi ‘Gusto ko lang sana tong ipakita sa kanya at ibigay,’” suma pa sa maong netizen nga si Analiza.

Apan wala napakyas sa iyang tinguha ang maong lalaki  ug nahatag gyud kini ngadto kang Coco.

“Maraming salamat Lo, itong regalong ito ang magsisilbing inspirasyon sa akin. Kayo po ang tunay kong idolo! Mahal ko po kayo at sana sa susunod ay magkita tayo ng mas matagal,” saysay pa ni Coco.

Lig-on gihapon

Malipayon sila si Bianca Umali ug  Miguel Tanfelix gumikan kay wala gyud sila biyai sa ilang fans.   Gipamatud-an sa duha nga mahimo gihapon mo-click ang ilang  tandem bisan dili sila uyab sa tinoud nga kinabuhi.

Gipahimuslan ang panahon

Giangkon ni Maine Mendoza nga  wala gyud nya damha ang naangkon niya nga kalamposan sa showbiz  busa iyaha nalang gyud kini nga i-enjoy samtang padayon pa siya nga gikagat sa masa. Mapasalamaton si Maine sa tanang nisuporta kaniya sukad pagsulod niya sa showbiz.

Nasuod dayon

Kever lang si Kakai Bautista sa  mga na-insecure  sa kasuod nila ni  Alden Richards. Suma pa ni Kakai mahigalaon siya nga pagkatawo  busa makasabay  ra gyud siya sa mga tawong bag-o pa niya nga nakaila.

Balay sa gawas

Nakapalit  og balay sa Amerika  ang aktor nga si Nash Aguas.  Resulta kini sa iyang todo nga pagtigom sa iyang mga kita sa showbiz.

Alang sa anak

Bisan napakyas kaniadto  ang kaminyoon nila ni  Jodi Sta. Maria ug sa iyang  ex-husband nga si Pampi Lacson, gipaniguro  sa duha nga  magkasinabot gihapon sila  kun maghisgot na sa ilang anak nga si Thirdy.

Pasok sa commercial

Trending  kaayo si  John Lloyd Cruz niadtong Lunes  gumikan sa pagbalik niya og  atubang sa  kamera pinaagi sa commercial sa usa ka shawarma brand .  Bag-o na og hitsura si Lloydie   ug gikalipay kini og maayo sa iyang fans.

Bitbit sa uyab

Gidala ni  Daniel Matsunaga ang iyang girlfriend nga si  Karolina Pisarek sa dihang nisalmot siya og karera sa miaging adlaw.  Nalingaw matud pa ang  uyab sa aktor samtang nagtan-aw sa kalihokan nga gisalmotan sa iyang hinigugma.

Mapasalamaton sa viewers

Padayon nga nagpasalamat  sila si  Jericho Rosales, Yam Concepcion, Niña Dolino, Ria Atayde ug Hero Angeles sa tanang nisuporta sa teleseryeng Halik  nga natapos na niadtong Biyernes.  Kahinumdoman nga kadaghan na-extend ang maong show tungod sa kakusog niini.

Baron magminyo na

Pangasaw-on na ni Baron Geisler ang iyang uyab nga si  Jamie Marie Evangelista nga usa  ka psychologist. Ilaha na karun nga giproseso ang ilang requirements alang sa ilang kasal ug  wala  pa’y final nga date niini. Suma pa ni Baron nga panahon na nga makabaton siya og kaugalingong pamilya.

Nag-sorry si Vice

Nangayo  og pasaylo   si Vice Ganda sa banda nga  December Avenue  gumikan  sa  iyang nabuhat sa show nila sa Camarines Sur.  Matud pa ni Vice nga nakanta niya ang usa sa mga awit sa December Avenue nga  “Kung ‘Di Rin Lang Ikaw”  ug wala siya masayod nga ang maong grupo na diay ang sunod nga mo-perform inigkahuman sa iyang segment. “I just had a show in CamSur. Super sorry sa December Avenue kasi nakanta ko sa sing along part ng program ung kanta nila not knowing na sila ung kasunod ko. I apologize. My bad,” tweet pa ni Vice.