AlDub fans nikunhod

CEBU, Philippines – Natagak sa ikatulong pwesto ang loveteam nila ni Maine Mendoza ug Alden Richard o ALDUB sa listahan sa Top Love Team sa Twitter dinhi sa Pilipinas.

Sulod sa duha ka tuig, sila ang nag-una sa maong listahan apan karon nahulipan na kini sa MayWard o love team nilang Maymay Entrata ug Edward Barber.

Niangkon sa ikaduhang pwesto mao ang DonKiss (Donny Pangilinan ug Kisses Delavin), ikatulong pwesto mao ang LizQuen (Liza Soberano ug Enrique Gil) ug ikaupat nga pwesto ang KathNiel (Kathryn Bernardo ug Daniel Padilla).

 Laing gikalingawan

Gawas sa pagkanta, bag-ong gikalingawan karon sa Hale frontman Champ Lui-Pio mao ang pagdumala sa kaugalingong  Filipino-themed hostel niini didto sa Siargao nga Alpas kauban sa iyang igsuon nga former MYX VJ nga si Chino.Nahigugma matod pa siya sa Siargao maong niabli siya sa maong negosyo niadtong Agosto 2018.

Gwen, nagsabak!

Nipakurat sa netizens si Gwen Zamora human niini gipahibalo nga nagsabak siya karon ug ang amahan niini mao si David Semerad. Sa wala pa ang maong rebelasyon,bag-o lang kini nagpost og semi-nude photo nila ni David sa iyang Instagram account ug wala nakita ang dakong tiyan niini. Gikatakdang mag-gender reveal si Gwen ug iyang basketball player boyfriend karong May 10.

Wala nagbuwag

Gituldokan mismo nilang John Lloyd Cruz ug Ellen Adarna ang tsismis nga nagbuwag sila pinaagi sa pagpost og mga hulagway nila kauban ang anak nga si Elias Modesto ug mga higala. Ang maong hulagway kuha sa ilang bakasyon karon sa Bali, Indonesia.

Nagsaulog sa Bali

Gisaulog nilang Coleen Garcia ug Billy Crawford ang ilang first wedding anniversary didto sa Bali, Indonesia. Surprise gift matod pa kini ni Coleen ngadto sa banang si Billy sa ilang anniversary niadtong April 20. Gikasal ang duha niaging tuig didto sa Balesin Island Club.

Pasagdan lang una

Nagpost ang komedyante ug manager nga si Ogie Diaz kalabot sa gikatahong pagpanganak na ni Julia Montes didto sa laing nasud. “Hayaan nyo muna siyang namnamin ang pagiging ina. Hintayin natin si Julia. In time, magsasalita din yon.For now, hayaan n’yong i-enjoy nila ang isa’t isa,”asoy pa niini.

No comment

Nagdumili paghatag og komento ang Kapamilya star Jodi Sta. Maria kalabot sa nabalitang engaged na ang  iyang ex-boyfriend nga si Cavite Vice Governor Jolo Revilla. “It’s not for me to comment. Kasi, you guys know naman that we’re no longer together,” pasabot pa  ni Jodi.

1M na!

Malipayong gibutyag sa  It’s Showtime’s Ate Girl Jackie Gonzaga  nga niabot na og 1M iyang followers sa Instagram. Nailhan siya sa showtime nga pirmeng mopasiaw ngadto ni Vice Ganda. “HAPPY 1M instagram loves! Wuhoo!! Better late than never. Dahil wala ako nung balloon trend na photo hehe eto nalang po to show you how kilig I am!!!! Yehey! Thank you everyone! So much love! Xoxo [sic].”post pa niini.

Mabulokon’g selebrasyon

Nagpahigayon og usa ka charity work ang Sugbuanong aktres nga si Kim Chiu isip  post-birthday celebration niini. Ang  ‘One Great Love’ actress nagsaulog sa iyang 29th birthday niadtong Abril 19.  “Would not want to celebrate my day than this!!! Those precious smile.... priceless. Salamat sa tulong nyo. Sa lahat po ng bumili ng mga clothes ko sa world trade last December maraming salamat po sa tulong nyo,”post pa ni Kim sa Instagram.