A as in Attitude and Amnesia!

Hello mga BisChikadora! Ayaw mo og kalimot karung adlawa ang Bendita sa Lukay o Palm Sunday.  Nagpasabot kini nga usa ka dakong selebrasyon kanatong mga katoliko ug nag abli sa Semana Santa. Malipayon ko kauban ang akong mga higala headed by  our prayer buddy nga si Gilbert Manego matag tuig buhaton namo ang among Roadmap to Lenten Season. Ang usa sa among activities kay ang mag bisita iglesia. Gibisita namo ang mga simbahan sa Lapu-Lapu City unya nag Station of the Cross.

 Hugyaw ang feeling nga makapamalandong  bisan paman sa  kabusy sa among tagsa tagsa nga buhulaton among gigahinan og oras ang tinuig namo nga visita uglesia. Mao nga mga BisChikadora dili lang ang bakasyon ang dapat planuhon apan apil napud ang balaan nga semana. Atong hinumduman ang pag antos, pagkamatay ug ang pagkabanhaw ni Hesukristo.

Sa laing bahin usa napud ka malampuson nga Kapuso Barangayan ang gipahigayon sa GMA Regional TV didto sa Barangay Poblacion, Talisay City. Mainiton kaayo ang ilang pagpadayon kanamo sama sa kainit sa panahon. Wala’y nakapugong sa libreng zumba nga gidalit kanamo kuyog si Zin Noreen. Gilinyahan mura’g blockbuster movie ang libreng tupi ug masahi. Nahurot usab dayun ang libreng special lugaw. Mas nahimo kining espesyal tungod kay didto nanukad si Kapusong Cecille Quibod –Castro para ihatod ang mga panghitabo sa Kapuso Barangayan. Dili kay kana lang, present usab ang mga DJ sa 99.5 Barangay RT nga game kaayo niapil sa among duwa. Siyempre ang bugas sa GMA Regional TV dili mahubas kay adunay gipa raffle nga upat ka sakong bugas!

 Di, ba Hugyaw?!!!! Mao nga atangi na usab ang GMA Regional TV Team sa sunod nga barangay nga among bisitahon.

Para sa atong Kinsa Siya? Kinsa siya kining nisikat nga singer nga nag A na daw as in Attitude? Hala noh? Ang BisChika mao kini: Special guest ang singer sa usa ka event nga gipahigayon sa iyang hometown. Tuod man, nalipay kaayo ang iyang mga kababayan kay makit-an nila og balik ang maong singer sa dugay na nga panahon. Pero ang mugna sa maong singer kay mura’g bulag, pepe at bingi— meaning mura’g wala’y nakit-an nga tawo, dili moistorya kun tagdon ug murag wala lang! Hahhahahahha!

 Sigon pa sa atong Kinsa Siya Insider dapat ikaw gyud ang unang  motagad niya. Ang usa ka staff sa event nga kaila niya mura’g wala lang daw ang singer ni hi and hello wala gyud? Last na gyud ni? Mao ang gibuhat sa staff iya kining unang gikamusta. Noh? Dayun wala na kay on standby na kini nga mogawas on stage para mo perform.

 Well, nakasabot lang ang mga tawo nga naa sa production tungod kay bata paman daw kini basin wala na briefing o kuwang sa briefing o na amnesia na kini. Hahahahhaha! Kinsa siya kining nisikat nga singer? Gamay, produkto sa usa ka reality TV show ug labaw sa tanan taga Sugbo! Pak na pak!