Angayan mag-Valentina

CEBU, Philippines – Nahimout og maayo si Yam Concepcion nga daghan ang miingon nga anggid niya ang nawong sa nahimong Darna niadtong 1994 nga si Anjanette Abayari. Matud pa niya nga ganahan siya mo-audition isip Darna apan mas mahaom siya  sa role nga  Valentina gumikan kay nasuwayan na niya ang mahimong kontrabida sa serye nga Halik.

Model sa Japan

Ang amahan ug ang anak nga sila si Pen ug Ping Medina mao ang new faces sa COMME des GARÇONS. Ang maong brand mao ang usa sa mga high-end fashion wear sa mga lalaki sa Japan.

Dili na mag-soap

Sa nahitabong thanksgiving press conference sa serye nga “Halik”,  gianunsyo sa 39 anyos nga aktor  nga si Jericho Rosales nga mohunong na siya sa pagbuhat og mga soap opera. Matud pa sa aktor nga dili siya mohunong sa pag-arte apan mas angayan nga palambuon niya ang iyang karera ug maghimo na sab og laing proyekto nga makahagit sa iyang katakus isip usa ka aktor.

Banal

Gipagawas na ang official trailer sa labing una nga horror film nga bidahan ni Andrea Brillantes nga “Banal”.  Makauban ni Andrea sila si Miguel Tanfelix, Bianca Umali, Kim Last ug Taki.

Migradwar  na

Sa edad nga 55, nakadawat na ang aktor nga si Arnell  Ignacio sa iyang diploma. Gitapos gyud niya ang iyang pagtungha didto sa University of Makati. Natapos ni Arnell ang kurso nga Political Science Major in Local Government Administration.

Magpakasal na

Gikatakda na nga ikasal  ang aktres nga si Valerie Concepcion ngadto sa iyang hinigugma nga nagbase sa Guam nga si Francis Sunga. Tsika pa ni Valerie nga dinhi siya sa nasud magpakasal ug usa kini ka garden wedding nga mahitabo karong Disyembre.

Chin Chin, madre na

Hingpit na nga nanumpa isip usa ka madre ang award-winning aktres nga si Chin Chin Gutierrez.  Si Chin Chin nga adunay tinuod nga pangalan nga Carminia Loudes Cynthia Arnaldo Gutierrez, mao na karon ang giila isip si Sister Lourdes. Si Chin Chin misunod sa  lakang sa iyang inahan nga si Cecilia Arnaldo,  kinsa usa ka kanhi madre sa Franciscan Missionaries of Mary.

Bag-ong libro

Daghan gyud og  plano  si  Heart Evangelista sa iyang kinabuhi gumikan kay gawas nga nalakip siya sa usa ka international film, mopagawas na sab siya og  libro nga siya mismo ang nagsuwat. Tuig 2015 sa dihang una siya nakapagawas og libro kabahin sa iyang beauty secrets.

Sons of nanay sabel

Mobida sa usa ka rap musical film ang comedy queen nga si AiAi delas Alas nga mag-ulohan og “Sons of Nanay Sabel”.  Makauban niya niini ang iyang gihuptan nga  Ex Battalion.

Mana og bayad

Si Pia Wurtzbach mao ang usa sa maayong ehemplo sa usa ka maayo nga Pinay  kun diin sayo gyud siya mi-file og Income Tax Return ug mibayad na sab gyud sa iyang buwis. Matud pa ni Pia nga kinahanglan nga on-time gyud nga mobayad aron dili na magkaproblema kun ting-deadline na.