Loisa Andalio himoong sexy actress?
CEBU, Philippines — Niulbo karon ang taho nga matud pa nga nagplano ang ABS-CBN nga i-repackage si Loisa Andalio isip sexy actress.
Wala mohatag og komento si Loisa kalabot sa maong report apan dali nga nihatag og reaksyon ang iyang fans.
Pipila niini ang nipadayag nga angayan ra si Loisa gumikan kay sexy ug guwapa kini.
Nilenggua usab ang uban niya nga fans nga naa na saktong edad ang aktres busa wala ra kini problema.
Spice Girls mokisaw og balik
Malipayong gianunsyo sa pop girl group nga Spice Girls nga molusad sila puhon sa “ remastered versions” sa ilang sikat nga music videos .
“We’re super excited to announce that we’ll be launching remastered 4K versions of our iconic music videos! They look incredible and we can’t wait for you to see them,” tipik sa statement sa maong grupo.
Ang Spice Girls gilangkoban nila ni Melanie Brown, Melanie Chisholm, Emma Bunton, Geri Halliwell, ug Victoria Beckham.
Sila maoy nagpasikat sa ‘Wannabe’, 2 Become 1', ‘Say You’ll Be There’, ‘Viva Forever,’ ug uban pa.
Naporma ang maong grupo niadtong 1994 ug kalit lang nipahuway sa industriya pipila ka tuig na ang nilabay. Kahinumdoman nga nagmalampuson ang reunion sa Spice Girls sa miaging tuig.
Gimingaw na sa mga kauban
Gimingaw na og sugod si Yen Santos sa mga katrabaho niya sa teleseryeng Halik sa ABS-CBN nga naghinapos na sa ere. Matud pa sa aktres nga nasoud na gyud niya ang mga kauban niya sa maong show ilabi na nila ni Yam Concepcion, Jericho Rosales ug Sam Milby.
Nasayran nga kadaghan na nga gi-extend ang Halik tungod sa kakusog niini sa viewers. Pasok ang Pinoy films
Tulo ka Pinoy films ang napili alang sa co-production market sa Far East Film Festival (FEFF) didto sa Udine, Italy.
Naglangkob kini sa “Everybody Leaves” ni Phyllis, Grae Grande ug “The Grandstand”ni Mikhail Red .
Wala usab nagpaulahi ang “Babylon” ni Keith Deligero .
Nasayran nga ubay-ubay gyud ang nagpa-screen sa maong kalihokan.
Kris mopahuway sa social media
Gipahibalo ni Kris Aquino nga temporaryo una siya nga mobiya sa social media. Ang kahimtang sa iyang panglawas maoy usa sa mga rason ni Kris.
“They’ve been right. This has been my best acting in my life: outwardly showing you that I was keeping it together, when deep inside I’ve been consumed by real depression, primarily because of my complicated medical diagnosis,” saysay pa niya. Dili usab ganahan si Kris nga magpakaaron ingnon nga okay siya.
“I need to make peace with all that’s broken within me. And I need to do that PRIVATELY. I’m sure you’re now making bets on how long this will last, BUT I’m taking control, so my return is up to me, when I’m ready. Sana may mababalikan pa ko. Kung wala, wala pong sisihan,” dugang pa ni Kris.
Nihatag usab siya og mensahe ngadto sa iyang supporters ug bashers , matud pa niya,” “If you wish me well, sincerely, THANK YOU. If you are saying ‘thank you, good riddance’ - YOU’RE WELCOME.”
Wala pa gyud nagtingog
Giangkon ni Sharon Cuneta nga wala pa gyud sila nagtingog sa kanhi niya bana nga si Gabby Concepcion. Alang sa aktres, kontento na siya sa maong sitwasyon.
Nasayran nga nahisgotan ang maong topic sa dihang nag-post si Sharon og hulagway kun diin kauban niya ang anak nila ni Gabby nga si KC Concepcion.
Caption pa sa aktres: “The VERY BEST PROJECT/PRODUCTION of Sharon & Gabby. She got her Pa’s perfectly handsome face, and most everything else from Ma.”
Sa comment section,nangutana dayon ang netizen kun okay na ba sila ni Gabby.
“No pa nga eh. Hayaan na natin buti na ganito,” tubag pa sa aktres.
Erich, Xian ug Kim sa Love Thy Woman
Subling magpares sila si Kim Chiu ug Xian Lim sa TV series sa ABS-CBN nga nag-ulohan og Love Thy Woman.
Makauban nila sa maong proyekto si Erich Gonzales.
“Lahat po kami dito, biktima ng love sa kuwento. Exciting,” saysay pa ni Erich .
Nagsilbi kini nga reunion project nila ni Erich, Xian ug Kim sanglit nagkauban na sila kaniadto sa teleseryeng Minsan Lang Kita Iibigin.
Nalakip pud sa Love Thy Woman sila si Ruffa Gutierrez, , Zsa Zsa Padilla, Eula Valdez, Christopher De Leon ug Sunshine Cruz.
- Latest
