CEBU, Philippines – Gitataw sa Pinoy Big Brother Otso housemate nga si  Lou Yanong nga tinud-anay ang relasyon nila ni  Andre Brouillette . Gikataw-an lang niya ang intriga nga matud pa scripted lang ang  ilang panaghigugmaay. Kahinumdoman nga nagkauyab ang duha atubang mismo sa kamera.

JM ug Ria giintriga

Na-link karon si JM de Guzman ngadto sa  sa anak ni Sylvia Sanchez nga si Ria Atayde.  Gitataw ni JM nga maghigala ra gyud sila ni Ria.  “Wala po akong masasabi, napakabait na tao. Nakilala ko si Ria, sobrang ang bait-bait niya. Parang naa-attach ako sa mga positive na tao. Hindi siya showbiz, sa ngayon we’re really good friends,” saysay pa ni  JM.

Barbie nakuyapan

Niulbo karon ang report nga matud pa nakuyapan si  Barbie Imperial atol sa taping sa  usa ka episode sa Ipaglaban Mo .  Giingong nawad-an sa iyang panimout si Barbie sulod sa 10 minutos.   Matud pa nga naigo si Barbie sa dakong  takob sa bintana.

Sunod tuig

Target ni Polo Ravales nga pakaslan niya sunod tuig ang iyang hinigugma nga si Paulyn Quiza. Ganahan ang aktor og garden wedding didto sa Tagaytay City. Nagpanikad si Polo sa maong okasyon.

Dunay scandal?

Nitumaw karon ang tsika nga matud pa duna’y  video scandal ang aktor nga si Ivan Dorschner .   Wala pa motingog ang kampo sa aktor kalabot sa maong taho.  Kahinumdoman nga pipila na ka mga artista ang nalambigit sa video scandal. Ang labing ulahi niini mao ang singer nga si Jim Paredes.

Nagparetoke sa ilong

Giangkon sa Kapamilya star nga si Chienna Filomeno nga nagparetoke siya sa iyang  ilong. Matud pa ni Chienna nga  walay dautan sa iyang gibuhat busa dili siya angayan maulaw niini. ‘There’s nothing wrong in enhancing something that you have,” hirit pa niya.

Mag-concert sa US

Nagkadaiyang dapit sa Amerika ang tuyokon ni  Gary Valenciano karong buwana alang sa iyang  “He’s Back: Gary V US Tour”. Ang iyang  special guests naglangkob nila ni  Jona ug  Katrina Velarde.

Mobalhin?

Niulbo ang taho nga matud pa si  Alex Gonzaga ang gipasabot sa  blind item nga usa ka aktres nga mobalhin sa GMA-7. Apan pipila sa iyang followers ang dili kumbinsido sa maong taho gumikan kay naa pa’y kontrata si Alex  sa ABS-CBN. Ni-renew si Alex sa ABS-CBN sa hinapos nga bahin sa miaging tuig,

Mibisita sa fan

Gibisita ni  Mccoy de Leon ang iyang fan nga nalandig sa tambalanan  .  Gidayeg si McCoy gumikan sa pagpakita niya og simpatiya sa iyang fan. Giubanan siya sa kauban niya  sa Hashtags nga sila si  Charles Kieron ug Rayt Carreon.

Dalagang Pilipina

 Wala nagpaulahi  ang pipila ka   “Goin’ Bulilit” stars sa  uso na karon nga Dalagang Pilipina challenge. Todo emote niini sila si  Ashley Sarmiento , Cessa Moncera, Mutya Orquia ug  Clarence Delgado.

 Mirampa sa fashion show

Gipakilig na usab nila ni  Maymay Entrata ug Edward Barber ang ilang  fans sa dihang nirampa  sila sa   fashion show sa usa ka  clothing brand.  Malipayon ang duha sa kanunay nga paghangop sa ilang fans.