It's official!

CEBU, Philippines — Gibayaw sa kakilig ang fans sa  LouDre o Lou Yanong ug Andre Brouillette sa  dihang live nga nasibya ang pagkahimong opisyal sa ilang relasyon sa  The Big Deb8 sulod sa Pinoy Big Brother house uban sa King of Talk Boy Abunda. Sa maong segment, nagkanayon si Andre ngadto kang Lou nga: “I’m falling in love with you. I love you. Will you be my girlfriend?” Gitubag sab kini ni Lou nga: “Of course. I love you.” Tungod niini,nahimong trending sa social media ang maong love team.

Nakugang

Na-shock matod pa ang aktres nga si Max Collins sa dihang nahibaw-an niya nga siya ang napiliang mobida sa bag-ong afternoon serye sa GMA-7 nga Bihag. “Sabi ko, ‘Totoo ba? Are you sure? I think Ms. Gigi [Santiago-Lara, GMA lady executive] yung unang nagsabi sa akin.Hindi ako makapaniwala. Sabi ko, ‘Sure po kayo sa akin ibibigay? Hindi siya nag-sink in until nag-start kaming mag-taping,"paambit pa sa aktres

Gibuhat ang tanan

Gipaambit sa Kapamilya hunk actor Enrique Gil kung giunsa niya pagkuha og tickets sa BTS concert human nihilak ang uyab niyang si Liza Soberano ug manghod sa aktor kay dili gyud makakuha og ticket dinhi sa Pilipinas.“So I was able to get them tickets sa Hong Kong, sa tito ko. Tumawag ako sa tito ko, malakas si tito. It was five months, like five months, sold out na. Nakakuha pa siya ng four tickets,”asoy pa ni Enrique.

Nausab ang kinabuhi

Nag-post og emotional message sa Instagram ang aktres nga si Rita Daniela kalabot sa pagpanamilit sa iyang karakter isip Aubrey sa GMA-7 afternoon series nga My Special Tatay. Sigon pa ni Rita, sa tanang karakter nga iyang gihatagan og kinabuhi, ang karakter ni Aubrey matod ang iyang gimahal og maayo ug nausab matod pa iyang kinabuhi tungod niini.  Natapos ang maong serye niadtong Biyernes, Marso 29.

Padayon sa trabaho

Ni-renew sa iyang kontrata isip ambassador sa GMA Network Excellence Award (GNEA) ang Kapuso actor na si Benjamin Alves. Mao kini ang ikaupat nga tuig sa pagkatuboy ni Benjamin isip ambassador sa GNEA, nga naghatag og pasidungog sa mga top performing gradutaes sa Pilipinas.Present sa maong contract singing ang mga kadagkuan sa GMA Network.

Nalingaw sa pagka-direktor

Mas nagmalipayon matod pa ang aktor/komedyanteng si John Lapus o Sweet sa pagpokos sa trabaho niya isip direktor .  Labing una nga programa kun diin siya ang direktor mao ang  Wansapanataym episode nga "Mr. Cutepido"  nga  gibidahan nila ni McCoy de Leon ug Heaven Peralejo "Iba nga kapag ikaw ang nasa likod ng kamera. Kumbaga, ikaw ang kapitan ng barko,"ni sweet pa.

Gipili ang showbiz

Gibutyag  ni  Kapuso actor Jason Abalos  nga gihagad siya nga modagan isip kongresista sa Nueva Ecija apan iyaha  kining gibalibaran tungod sa iyang proyekto sa GMA-7 nga Bihag. Dili siya  gusto nga maapektohan ang proyekto niya sa GMA-7. Nasayran nga kinahanglan nga mopahuway sa showbiz  atol sa campaign period ang usa artista nga nisalmot sa piniliay

Wala'y problema

Wala matod pay nakitang problema ang child actor nga si Miggs Cuaderno sa kanunay niyang pagdala og mga gay roles sa telebisyon bisan pa man nga pirme siyang mag-atubang og intriga kalabot sa pagkuwestiyon sa tinud-anay niyang sekwalidad tungod sa sagonson niyang pagdala sa maong mga papel. “Hindi po, kasi, alam ko po sa sarili ko kung ano ako at gagawin ko lang po lagi ang best ko para po sa hinihingi ng director ko po,"pasabot pa ni Miggs.

McCartney motikang sa nasud

Gikatakdang mopahigayon og concert didto sa kaulohan ang 2000s heartthrob nga si Jesse McCartney karong Hulyo. Sa wala pa nisikat si Justin Bieber, aduna'y Jesse McCartney nga gikagubtan sa mga kababayehan niadtong 2000's. Pipila sa mga gipasikat niyang kanta mao ang “Beautiful Soul,” “Leavin,” “Just So You Know,” “How Do You Sleep” ug uban pa.

Pagkaon ang tirada

Gipaambit sa International model nga si  Kat Gumabao ang paborito nilang bonding sa iyang mga igsoon nga silang Marco ug Michelle. “Our favorite bonding talaga is when we we’re all home. It’s either when one of us cooks or if Michelle wants to experiment on a new vegan meal or if I want to cook like maybe steak. Favorite bonding namin sa food,"sigon pa ni Kat.