Park Bom suportado ni Sandara

CEBU, Philippines – Hingpit na nibalik sa music scene ang sikat nga Korean singer nga si  Park Bom pinaagi sa iyang comeback  single nga  “Spring.”

Suportado si Park Bom sa iyang higala nga si Sandara Park ug mao kini ang nikanta sa pipila ka linya sa maong awit.

Kanhi mga sakop  sa 2NE1  sila Park  Bom ug Sandara  ug taod-taod na pud nga nabungkag ang ilang grupo.

Naglisod og dawat

Dili gyud malikayan sa komedyante nga si Pooh nga mohilak kun hisgotan ang higala niya nga si Chokoleit kinsa namatay niadtong March 9 gumikan sa heart attack.

Suma pa ni Pooh nga usa ka tinud-anay nga higala ug kanunay gyud kini mangumusta kaniya. “Ang strong kasi ng personality niyan, pero pag nakita mo, nakilala mo, ang deep.

“Sobra-sobrang layo dun sa nakikita ninyong masayahin.Napaka-concerned na tao, nagtsi-check, ‘Musta ka?’ Ganun. Basta madami,” saysay pa niya ngadto sa PEP.

Maulaw sa  kissing scene

Giboking ni  Liza Soberano ang iyang uyab nga si Enrique Gil nga matud pa naulaw gyud og maayo  kaniya sa dihang gibuhat nila ang kissing scene sa pelikulang   “Alone/Together”.

“Ayaw niya akong i-kiss. Palapit ako, umaatras siya ng umaatras. Nag-away pa kami. Sabi ko, ‘Nafi-feel ko na ‘yung eksena, uulit pa tayo!’ Kasi ang totoo, si Quen ‘yung nahihiya mag-kissing scene. Siya talaga. Hindi siya ready,” saysay pa ni Liza ngadto sa ABS-CBN    News.

Ang   “Alone/Together” nikita og  P370 million worldwide.

Nag-ipon na?

Nitumaw ang report  nga matud pa nag-ipon na sila si Vice Ganda ug ang kauban niya sa  It’s Showtime nga si “ Kuya Escort “ o Ion Perez. Una na nga gidungog nga dunay relasyon ang duha. Giingong naboking ang ilang relasyon sa taping sa Gandang Gabi Vice.

Walay gitagoan

Komportable ra kaayo si  Arjo Atayde nga dalhon si  Maine Mendoza sa pampublikong lugar  gumikan kay wala na sila’y gitagoan.   Una na nga gibutyag sa aktor nga dili ra siya magpaapekto sa lenggua sa pipila niya ka mga kritiko.

Best in pamaol

Gipamaolan si  Sunshine Dizon gumikan sa iyang  fight scene sa Mystified, ang iFlix movie nga molugwa na sugod karong  March 29, 2019. Giingong naanad na si Sunshine niini. 

Gabby gikiha sa igsuon

Gikiha  si  Gabby Concepcion sa iyang igsuon nga si Miguel ‘Mike’ Concepcion. Gireklamo siya kalabot sa “falsification of public documents”. Giakusahan si Gabby sa pagbaligya sa ilang yuta nga wala kahibalo ang ilang inahan.

Gibalibaran ni Assunta

Malakip diay unta si  Assunta de Rossi sa umaabot nga pelikula nga pagabitoonan nila ni  Kathryn Bernardo ug Alden Richards. Siya unta ang modala nga inahan ni Kathryn apan wala niya dawata ang maong proyekto. Naka-focus karon si Assunta sa plano niya nga makabaton og anak.

Sugyot sa fans

Nigawas ang mga hangyo sa fans ni  Maine Mendoza  nga unta malakip siya sa pelikula nga pagabidahan ni Maricel Soriano.  Suma pa nga usa ka hugyaw nga proyekto kun mag-uban ang nahisgotan nga mga artista.

Andam na magminyo

Niulbo karon ang report  nga andam na si Maja Salvador kun hagdon siya og pakasal sa iyang uyab nga si  Rambo Nuñez . Giingong espesyal kaayo si Rambo sa iyang kinabuhi gumikan kay nibalik gyud kini kaniya bisan paman nga  nawala kini sa iyang kinabuhi sulod sa taas nga panahon.

Nasipyat

Trending kaayo ang video clip sa Umagang Kay Ganda  kun diin gikahinabi ni Winnie Cordero ang komedyante nga si K Brosas aron kuhaan og mensahe  sa kamatayon sa higala niini nga si Chokoleit.  Nagkatawa og maayo si K  nga imbes Chokoleit, ang pangalan ni  Pooh maoy nalitok ni Winnie. “Teka, Ate Winnie, buhay pa yung isa kong kaibigan. Huwag naman lahat sila.Pooh, pasensiya na,” suma pa ni K.

Suportado ni  Karla

Nipadayag sa iyang todo nga suporta si Karla Estrada sa  upcoming movie nila ni  Kathryn Bernardo ug  Alden Richards.  Nasayran nga dili una magpares karong tuiga sila si Kathryn ug Daniel Padilla.