Piolo at Janna, inalala ang ginawa nila noon!

Dalawang dekada na ang nakalilipas nang magbida si Piolo Pascual sa pelikulang Lagarista. Muling ipinalabas ang nasabing proyektong pinagtambalan ng aktor at Janna Victoria sa Cultural Center of the Philippines noong Sabado para sa opening salvo ng 16th Reflexive Cinema.

Magkasamang nanood sina Piolo at Janna kaya muling nanumbalik ang mga alaala habang ginagawa ang pelikula. “Ang sarap lang balikan ‘yung mga gano’ng memories. This spoke about the time during the late 90’s to 2000. Nakakatuwa lang ‘yung change of landscape and ‘yung nagbabago sa kultura natin. Nakakataba lang po ng puso na nababalikan natin ‘yung mga ganitong pagkakataon. It just made me appreciate cinema even more because of this expe­rience,” nakangiting pahayag ni Piolo.

Samantala, hindi naman makalilimutan ni Janna ang Lagarista dahil ito rin ang kauna-unahang pelikula na kanyang nagawa. Isang malaking karangalan daw para sa dating aktres na naging bahagi siya nito. “It’s an honor to be here. Ito ‘yung pinakauna kong pelikula. Wala po akong exposure kahit sa TV, walang workshop. So sinabak po ako agad dito. I’m very proud to be part of this film,” paglalahad ni Janna.

Nagkabiruan pa sina Piolo at Janna tungkol sa love scenes na kanilang nagawa noon para sa pelikula. “Naiiyak pa rin talaga ako every time na papanoorin ko lalo na ‘yung love scene do’n, nakakaiyak. Ang daya niya, talagang tinali niya (ang tapis), ang malas kasi akin ‘yung natanggal, iniyakan ko ‘yon. Kasi hindi alam ng mga magulang ko na nag-artista ako,” natatawang kwento ni Janna. “Nilamig ka do’n, sinipon ka do’n. Hindi ko alam ba’t ba natin ginawa ‘yon,” pagtatapos naman ni Piolo.

Mickey at Gee-Ann, ninakawan ng yaya

Kamakailan ay napabinyagan na nina Mickey Perz at Gee-Ann Abraham ang kanilang anak na si Raphaelle na ngayon ay walong buwang gulang na. Natagalan daw na pabinyagan ng dating PBB housemates ang kanilang anak dahil sa ilang mga pangyayari. “One reasons was his mom is in Switzerland so we waited for her so she can be here at the baptism. The other one is pino-postpone kasi my lola died. The day before the funeral dapat ‘yung baptism,” pagbabahagi ni Gee-Ann.

Napahanga raw si Mickey sa asawa dahil sa pagiging maga­ling na ina ni Gee-Ann. Walang yaya na nag-aalaga ngayon sa anak ng mag-asawa. “I think that’s one of the challenges that we have. That’s why right now she’s a supermom, ‘coz we don’t have a kasambahay. It’s really hard to find one that you can trust, right? So unfortunate the one that we had was a bad apple. So we had to let her go of her. So she’s like the supermom who does everything,” pahayag ni Mickey.

Marami umanong mga bagay ang ninakaw ng dating yaya sa mag-asawa kaya pinaalis na nila ito sa kanilang poder. “She was a thief. She was stealing a lot. That’s probably why we are also more picky now. For months now we didn’t have and it’s really hard,” kwento ni Gee-Ann.   (Reports from JCC)