Memorable nga date

CEBU, Philippines – Gibutyag ni Daniel Padilla nga ang labing memorable nga date nga ilang nasaw-an sa iyang girlfriend nga si Kathryn Bernardo mao kadtong labing una nila nga date nga nahitabo lima na katuig ang milabay. “Siyempre yun yung time na kilig ka pa eh. Konting ano, oh my god. Ganun pa rin naman pero iba yung bago. Iba yun. Alam mo ang pag-ibig masaya pag bago pa”, suma pa ni Daniel.

Gitabangan ni Rico

Bag-ohay pa lang gilusad ni Maris Racal ang iyang album nga “Stellar”   ug gisundan sa iyang  pagka-busy sa  pagmugna og laing komposisyon kauban ang kompositor nga si Rico Blanco. Sa pag-post  ni Maris sa mubo nga video sa Instagram, tataw nga gihikay na nilang duha ni Rico ang mga awit nga ilang ipadungog puhon sa kinabag-an.

Nahimamat ni heart 

Atol sa pagtikang ni Heart Evangelista sa Singapore dili pa lang dugay, nahimamat sa aktres ang sikat nga personalidad  nga si Jamie Chua kinsa ilado sa iyang pagkolekta og mga Hermes bag. Si Jamie nag-viral sa social media sa miaging tuig human ma feature ang kinabuhi niini nga adunay 700 square foot nga closet nga puno sa mga mahalon nga mga gamit ilabi na ang mga bag. Ang duha naglingaw og tsika sa usag’usa samtang gisaw-an ang init nga tsa.

Target ni Janella

Gisaysay sa teen star nga si Janella Salvador nga gi-invest gyud niya ang iyang kita sa iyang trabaho sa showbiz. Matud pa ni Janella nga gitabangan siya sa iyang inahan nga si Janine Desiderio aron mabalanse niya ang iyang pagasto sa iyang kwarta. Anaa na sab sa plano sa teen star nga magpatukod og negosyo aron aduna gihapon siya’y makuha sa iyang hinagoan.

Mosupak gyud

Tsika pa  ni Lani Misalucha nga  sa  batasan nga wala niya mauyunan sa iyang higala nga si Regine Velasquez mao ang pagtilaw sa ginadiling pagkaon niini. Matud pa ni Lani nga gahi kini og ulo. "Ay naku! Hindi ba nga mayroon siyang acid reflux. Pagkatapos ang tindi niya pa kumain ng chicharon at sinasawsaw sa suka. Sabi ko, 'Papaano ba 'yan? sabi kong ganun. 'Alam mo ang sakit mo na, tapos ayan pa.' Isawsaw niya sa suka tapos hihigupin niya 'yung suka. Sabi ko papaano yan?' Hindi ba? Matigas ang ulo”, asoy pa ni Lani sa dihang nilugwa kini sa programang Tonight With Boy Abunda.

Nakig-selfie sa idol

Swerte na gyud karon si Inigo Pascual kinsa personal nga nakahimamat sa international superstar nga si DJ Zedd kinsa mipasikat sa mga kanta nga “The Middle”, “Stay” ug “Clarity”. Ang duha nagsugat sa US atol sa Grammy Awards after- party. Wala gyud makapugong si Inigo ug nakig-selfie gyud kini.

Seloso kaniadto

Gitug-an ni Nico Bolzico nga seloso gyud siya nga klase nga  partner  ni Solenn Heussaff kaniadto. Nakaamgo siya  nga dili na angayan nga ipabilin pa sa iyang kinabuhi ang maong batasan. Sa usa sa iyang mga Instagram post, gipasabot niya kun ngano mao kini ang iyang bation kun adunay mga lalaki nga magpaduol sa iyang asawa. “Before meeting Solenn, I used to get very jealous; I always assumed that any guy talking to my girlfriend was trying to hit on her, I didn’t believe in friendship between opposite sexes. But I was wrong, 1 million times wrong”, suma pa ni Nico.

Midayeg ni Jodi

Gidayeg pag-ayo ni Direk Jet Leyco ang katakus ni Jodi Sta. Maria sa pag-arte niini sa pelikulang  “Second Coming”. Alang ni Direk Jet, perfect gyud si Jodi sa maong role. “Hindi lang dahil magaling siya kundi ‘yung image niya na ‘pag nakita mo siya sa screen kakapitan mo siya eh. And siya pa ‘yung main. T’saka magaling siya mag-improve,” suma pa sa direktor.

Natagad ni Anne

Nakuha gyud sa anak ni Judy Ann Santos nga si Luna Agoncillo ang atensyon ni Anne Curtis. Ang inahan nga si Juday, mi-post sa  Instagram sa labing una nga vlog sa iyang anak nga usa ka makeup tutorial. Gigamit ni Luna ang mga produkto nga giendorso ug gipanag-iya ni Anne nga BLK Cosmetics. Gi-repost ni Anne sa iyang Instagram story ug nanghinaot kini nga mahisama ni Luna ang ilang anak puhon ni Erwan.