Grand finals: Sugbuanon pasok sa “WISHcovery Season 2”

CEBU, Philippines – Usa ang  Sugbuanon ug garbo sa Cebu Institute of Technology-University nga si Nashrene Casas  sa  nakasulod sa listahan sa motigi sa grand finals  sa digital singing competition nga  “WISHcovery Season 2: The Singer and The Song”, nga gidumala sa nag-unang FM Youtube Channel nga   Wish 107.5 .

Ang maong show nagpakita sa hugyaw  nga talento sa pagkanta sa kabatan-onan gikan sa nagkalain-laing dapit sa nasud.

Si Kris Lawrence ang host sa maong show samtang  nitabang sa pag-ugmad sa talento sa mga finalists mao ang   mga sikat nga personalidad sa music industry sa nasud nga sila si

Vehnee Saturno, Noel Cabangon, Top Suzara sa The Freestyle, Moy Ortiz sa The Company, Rannie Raymundo, Jungee Marcelo ug Boy Christopher.

Aduna  pu’y home tour mini-concert si   Nashrene karong  February 13, 2019 sa alas 7 sa gabii  diha sa The Greenery sa Mabolo.

Ang Grand Finals Night mahitabo sa Smart Araneta Coliseum karong   February 26, 2019. 

Park Bo Gum ug  Gong Yoo mag-uban sa  pelikula

Nagmaya ang Pinoy fans  sa   Korean actors  nga sila si  Park Bo Gum ug  Gong Yoo  human niulbo ang report nga mag-uban ang ilang mga idol sa pelikulang Seo Bok.

Modala si Gong Yoo sa  role nga Ki Heon, usa ka kanhi intelligence agent, samtang si Park Bo Gum modala isip Seo Bok, nga dunay misteryosong kinabuhi.

Nisikat si Gong Yoo   gumikan sa iyang mga serye nga Goblin, Coffee Prince, A Man and A Woman, ug sa pelikulang  Train To Busan. Si Park Bo Gum nalakip kaniadto sa Love in the Moonlight, Hello Monster, ug  Encounter . Park Bo Gum ug  Gong Yoo mag-uban sa  pelikula

Xian ug Alex suwayan

Human sa “Hanggang Kailan?”, laing pelikula ang nagpaabot kang  Xian Lim ug makapares niya si   Alex Gonzaga.

Ang maong movie project sa Viva nag-ulohan og Love The Way You Lie  ug ubos kini sa direksyon ni RC delos Reyes.

Suma pa ni Direk RC nga komportable ra siya sa duha ka mga bida gumikan kaila na sila daan.

Si RC maoy direktor sa pelikula ni Alex sa miaging tuig nga Mary, Marry Me, samtang higala usab niya ang uyab ni Xian nga si  Kim Chiu.

Matud pa sa direktor nga usa adult-romance comedy ang  upcoming project nila ni Xian ug Alex.   

Unsay istado nila ni Kris ug Boy?

Gitubag gyud ni Kris  Aquino  ang iyang follower sa Instagram    nga nangutana kaniya kun nagpabilin pa ba ang panaghigalaay nila sa TV host nga si  Boy Abunda.

Tubag pa ni Kris, “To satisfy your curiosity, I believe we’ll always care about each other but we are no longer active participants in each other’s lives.”

Nasayran nga taod-taod na nga nigawas ang taho nga  dili na kaayo soud ang duha.

Katapusang nag-uban ang duha  sa programang  Aquino and Abunda Tonight  sa  ABS-CBN.