Nagbaha ang intimate scenes

CEBU, Philippines – Sa labing unang higayon, masuwayan na gyud nila ni Jane Oineza ug  McCoy de Leon ang nagbaha  nga  intimate scenes  sa usa ka proyekto.

Molugwa ang duha sa sexy psycho-thriller series sa iWantTV    nga nag-ulohan og “Project Feb14”  ug makauban nila si JC Santos.

Magsugod na kini karong  February 9  ug giangkon sa duha gibati nila ang kakiwaw sa dihang gibuhat nila ang maong eksena.

Nakadayeg  hinuon si Jane kang MacCoy gumikan kay  gentleman kaayo ang aktor aron mahimong komportable sila sa set.

Samtang giangkon ni McCoy nga usa  sa eksena nga naglisod siya mao ang pagpaus-os niya sa panty ni Jane,.

“Yun po yung mahirap nga din pag merong mga sexy na scene, kunyari yung panty niya, tumataas tapos binababa ko, nawawala ako sa character ko.

Kasi si Brix (karakter ni McCoy), di naman siya ganun, bara-bara siya,” suma pa ni McCoy.

Regine mihangyo

Nihangyo si  Regine Velasquez sa iyang  followers sa  Twitter nga dili kopyahon  ang iyang profile picture aron dili kini makahatag og kalibog. “Hi guys. If [you] don’t mind, please ‘wag nyo muna i-copy ‘yung profile pic ko. Nakakalito kasi, eh.  “Dun sa mag-copy pa rin, i-mute ko muna kayo. Problema, hindi na ako marunong i-undo so forever na yun,” tweet pa ni Regine.

Gisaulog sa Thailand

Gisaulog ni Cristine Reyes ang iyang  30th birthday dili pa lang dugay didto sa  Thailand. Giubanan  si Cristine sa iyang mga igsuon  busa espesyal kaayo ang pagsaulog niya niini.  

Gamay ra ang mausab

Gitataw sa lady director nga si Joyce Bernal nga magpabilin gihapon  sa pelikulang  Children Of The Lake sila si  Piolo Pascual ug  Robin Padilla.   Nasayran nga dunay gamay nga kausaban sa maong pelikula sukad ni-resign ang direktor niini nga si Sheron Dayoc.

Malipayong kinabuhi

Tsika pa ni Marvin Agustin nga bisan nag-edad na siya og   40 , wala gihapon siya ka-feel nga nausab  ang iyang kaugalingon. Malipayon gihapon ang aktor sa iyang kinabuhi ilabi na sa dagan sa iyang  mga negosyo ug showbiz career.

Pangandoy ni Derek

Gusto si Derek Ramsay nga lahi napud nga matang sa show ang iyang masuwayan sa higayon nga molugwa na siya og balik   sa telebisyon. Una  na nga nigawas  ang report nga mopirma og kontrata si Derek sa GMA-7 sa umaabot nga mga adlaw.

Marie naligsan

Na-trauma og maayo ang  ABS-CBN showbiz  reporter nga si Marie Lozano human kini maaksidente sa miaging adlaw.  Naligsan si Marie sa dihang  nilabang siya sa Salcedo Village, Makati City. Gidala si Marie sa tambalanan ug wala kini nakabaton og grabeng  bun-og apan napuno sa garas ang iyang lawas. 

Nabalaka si direk

Nabalaka  ang banggiitang direktor nga si  Erik Matti sa  resulta sa nagkadaiyang  Pinoy movies nga gipasalida karong tuiga.   Suma pa sa direktor nga kinahanglan nga mahatagan na gyud og lakang  ang pag-ugmad og maayo sa mga pelikulang Pinoy.  Nasayran nga wala kaayo kisaw ang pelikulang Bato ni Robin Padilla  ug   Tol ni Jessy Mendiola.  Kasamtangan usab karon nga gisalida ang Hanggang Kailan (Viva Films) ug  Elise (Regal Entertainment) .

Ice nag-adjust

Aminado  si Ice Seguerra  nga dunay  kausaban sa istado sa music industry sa nasud ilabi na sa mga pagsulbong sa mga bag-ong estilo sa musika.  Suma pa ni Ice nga ni-adjust ra siya ilabi na karon nga niaktibo na siya og balik sa pagkanta.

Upat ka tuig na

 Malipayong  gisaulog nila ni Pokwang ug  Lee O’Brian kagahapon  ang ikaupat  nila nga anibersaryo isip mag-uyab.Nagkaila ang duha sa dihang nagkauban sila sa TFC movie nga  “Edsa Woolworth”. Aduna na sila’y anak nga ginganlan og  Malia.

Second Coming

Mag-uban sila  si Jodi Sta. Maria ug Marvin Agustin  sa horror movie nga  “Second Coming” . Gipaambit  ni  Marvin  pinaagi sa Instagram  ang maong balita. Taod-taod na matud pa gisugdan ang maong pelikula.

Magpaabot sa imbitasyon

Nitumaw ang report nga dunay special participation ang  Unkabogable star nga si Vice Ganda sa homecoming ni Miss Universe 2018  Catriona Gray.  Suma pa ni Vice nga duna ra siya’y nadunggan ug naghuwat ra siya sa pormal nga imbitasyon.