Todo pangandam sa Dragon Lady

CEBU, Philippines – Isip pagpangandam sa umaabot niya nga teleserye sa GMA nga Dragon Lady, gisuroy ni Janine Guttierez ang Binondo.

Modala ang aktres isip Filipino-Chinese  sa  bag-ong  Kapuso afternoon series busa target niya nga makahibaw sa ubang kultura sa mga Chinese.

Sa pagtikang ni  Janine sa Binondo,  gisuwayan niya ang pagkaon og  siomai, siopao, pansit ug  fortune cake.

Nitikang usab siya sa  tindahan nga namaligya og   lucky charms. (Sanden J. Anadia)

Gipakita na gyud

Gipabuhagay  na  ni Loisa Andalio   sa publiko ang ubang sweet photos nila sa iyang  boyfriend nga si Ronnie Alonte.

Matud pa ni Loisa nga wala kini na-upload kaniadto gumikan sa sekreto nila nga relasyon.

Apan karon, wala na matud pa’y angayan nga tagoan gumikan kay klaro na kaayo ang ilang relasyon.

“Happy 2 years and 2 months behhhh!!! Mahal na mahal kita alam mo yan , mwaah” ,” mensahe pa ni Loisa alang kang Ronnie.

Saad sa uyab

Giangkon ni Dennis Trillo nga wala pa gyud siya naka-propose ngadto sa iyang girlfriend nga si Jennylyn Mercado. Wala pa man siya makahimo sa maong lakang apan gipasalig niya ngadto kang Jennylyn nga hatagan niya og katumanan ang ilang mga plano isip mag-uyab.

Tan-awon lang

Na-pressure na karon si Winwyn Marquez gumikan kay daghan na ang personal nga nangutana kaniya kun  mobalik ba siya sa pagsalmot sa Binibining Pilipinas 2019. Gitataw niya nga mosalmot siya pagbalik apan wala pa  siya  makahibalo kun kanus-a. “I am of course, I just have to weigh things out yun lang talaga sinasabi ko, kung magpakita ako sa screening sasali ako, kung hindi, hindi ako sasali”, suma pa ni Winwyn.

Andam na

All set na sila si Vice Ganda ug Regine Velasquez sa ilang umaabot nga concert nga  “The Songbird and The Songhorse” nga mahitabo sulod sa tulo ka gabii nga magsugod karong Pebrero 14 didto sa Araneta Coliseum. Matud pa ni Vice nga mao kini ang konsyerto nga angayan nga atangan sa tanan gumikan kay daghan sila nga giandam nga mga pakulo kauban sa iyang idolo nga si Regine.

Gilingkoran ra

Daghan ang nakauyon sa cover song nga giawit nila si Darren Espanto ug Jayda Avanzado nga “Rewrite The Stars”. Gani, miani kini og mga positibong komento gikan sa ilang fans gumikan kay bwelto kini nga giawit ang maong kanta nga nakalingkod lang. Tsika pa ni Darren nga kalit-kalit  ang maong cover nilang duha ni Jayda.

Oportunidad na

Gisaysay ni Xian Lim nga oportunidad na ang nituktok kaniya nga mobida sa usa ka pelikula nga dili kauban ang iyang girlfriend nga si Kim Chiu.  Gibuhat gyud niya ang mando sa direktor aron sab nga mahatagan niya og hustisya ang gipangayo sa istorya.  Kasamtangang gi-promote ni Xian ang pelikula nila ni Louise delos Reyes nga Hanggang Kailan nga gipasalida na kagahapon. “Sa akin naman, naghihintay lang ako ng mga opportunity, naghihintay lang naman ako na, kumbaga, I just wanna show to people na... yun, to be open to everyone”, suma pa ni Xian.

Kasal una

Gusto gyud nga sundon ni KC Concepcion ang tradisyon nga kaslon una ang duha ka binuhat sa dili pa  makabaton og anak. Karon nga nagbalik na silang duha sa iyang boyfriend nga si Pierre Emmanuel Plassart, kanunay kini niya nga gipahinumduman nga mas importante ang kasal una magbaton og liwat.

Wala pa mag-abot

Gitug-an ni Gabby Eigenmann nga wala pa gyud niya mahimamat sa personal ang boyfriend ni Andi Eigenmann nga si Philmar Alipayo. Dili pasab siya makahatag sa iyang hukom kung uyon  ba siya niini tungod kay wala pa sila’y personal nga interaksyon.

Tulo ka bag

Tsika pa ni Bianca Gonzales nga tulo ka bag gyud ang iyang dad-on sa higayon nga mogawas siya sa ilang panimalay. Ang maong tulo ka bag mao ang iyang hand bag, pumping bag ug ice coolerbag. Matud pa ni Bianca nga ginabuhat niya ang pag-pump og gatas o magpa-breastfeed. “I pump at meetings, at work. Nanonood ako ng basketball dati, nagpa-pump ako in my seat. I mean it’s something that I definitely think we should normalize”, suma pa ni Bianca.

Nabaghoan

Giangkon ni Judy Ann Santos nga nabaghoan gyud siya sa iyang pagbalik og arte sa usa ka teleserye nga ipagawas puhon sa Kapamilya network. Malakip si Juday sa Starla.  “So ngayon after five years, ang dami nang bago. Para nga akong sirang plaka na paulit-ulit na pagsasabi na iba na yung mga ilaw, maninipis na yung mga ilaw, hindi na sila mainit. Yung mga camera iba na din, maliliit na sila and lipat-lipat na yung… parang pelikula na yung paggawa talaga sa kanya”, tsika pa ni Juday.