Nagbuot-buot ang events coordinator

CEBU, Philippines — Happy Valentine’s Day mga BisChikadora! Buwan na gyud sa Pebrero unya daghan na usab ang mag maoy nga parehas nako kay wala’y ka date sa Adlaw sa Gugma. Apan dili maguol kay dili partner ang solusyon sa mga maoy nimo. Ang buhaton nimo para happy ka imong tan-awon ang mga activities o events anang adlawa nga pwede ka moapil. Date yourself o Me Time ang drama! Hahahhahaha!

 Speaking of gugma, niaging semana ang akong prayer buddy nga si Gilbert Manego kauban ang iyang family and friends nitikang kami sa Barangay Banlasan, Sitio Kaolong sa Tubigon, Bohol para sa yearly nga gift giving sa akong amega. Ikaduhang higayon nako nga makabalik sa maong lugar pagkahuman sa napulo ka tuig, (ing-ana na diay mi kadugay amigo ni Gilbert ). Apan sa una nako pagtikang kay usa ka show ang akong gi host. Balik sa among gift giving, 12 midnight ang gisakyan namo nga Roro para sa Tubigon, Bohol bitbit ang mga gasa para sa mga taga Barangay Banlasan. Pag abot namo, lamian kaayo nga pamahaw nga giandam kanamo, presko nga isda, dunay kamote, balanghoy ug ang bisayang manok nga gisabawan. Daaaaaaa! Nagtulo ang akong singot! Human sa pamahaw, gisugdan na dayon namo ang programa. Duna’y mga dula para sa mga bata ug siyempre para sa mga inahan. Halos akong nag host kay puwerteng katawa kay ang mga games dunay mga twist. Human nagpakaon gisunod dayon namo ang gift giving! Dako kaayo ang kalipay sa mga nitambong. Sigon pa ni amegang Gilbert nga nahimong emotional sa dihang nag ampo kami, usa kini ka pasalamat sa mga grasyang iyang nadawat ug dili niya makalimtan ang lugar nga kabahin sa iyang kalampusan karun. Mao sa mga tanang nihatag sa ilang suporta in cash and in kind, “Thank you kaayo” sigon pa ni Gilbert. See you next year napud!

Sa laing bahin, para sa Kinsa Siyaaaa? NaHugyaw ko kay gitawagan ko sa akong kanhi kauban sa GMA7 Cebu para daw e-coordinate nako ang tag-iya sa usa ka restaurant sa habagatang bahin sa Sugbo kay matud pa ang usa ka reality show sa GMA adunay ipahigayon nga audition. Niulbo ang akong kaspa kay wala man ko’y nadawat nga instructions sa network to coordinate. Unya daghan ko nga mga personal message nadawat sa facebook kabahin sa post nga audition. Tungod niini, nagpatawag ko sa tag-iya sa maong restaurant ug akong nahibaw-an dili ang Kapuso Network  maoy nakig transaction sa maong ipahigayon nga audition. Usa kini ka producer /events coordinator nga dunay talent company. Hala ha? Nagbuot buot siya og post sa facebook account niya nga dunay logo sa restaurant, logo sa programa unya naa ang iyang nawong nga ang background ang GMA logo with matching post nga mura’g taga GMA siya!  Sa akong opinion, wala’y problema kun magmugna siya og audition, ang nakaHugyaw lang in such away iyang ipakita nga he is working with the network which is not true.. Misrepresentation! Pwede raman kaayo you do the audition, unya ang iyang napili mamahimong talent. Pagkahuman iyang ipa audition, dayun siya ang manager! Simple! Kinsa kining producer / events coordinator nga best in post sa social media for the coming audition? Parehas mi ang tawag niya usa ka inahan! Hahahahhahaha! Ug tungod sa iyang gibuhat, gitan-aw nako ang iyang facebook account.  Juice ko Lord! Nganong apilon man ang mga ngalan sa mga TV Network sezt ? Pasabta ko!

Sa mga gusto mag artista maayo pa nga mo audition mo sa GMA Artist Center basaha ang detalye :

Auditions for GMA Artist Center karung Pebrero 5 Tuesday didto sa Pizza Handuraw Mango sulod kana sa Mango Square Mall tupad sa National Book Store, 2:00 – 6:00PM. Male or Female for Aspiring  ARTISTA  - 15 – 21 years old , for Aspiring SINGERS – 4 years old and above. For more details check the facebook account of Yuri Richards