Pepe Smith mipanaw
CEBU, Philippines — Nipanaw na kagahapon ang 71 anyos nga legendary rock singer nga si Pepe Smith o Joseph William Feliciano Smith sa tinoud nga kinabuhi.
“Thank you for everything papa bear ko. Thank you for being the best dad in the world. I know you’re in the best place now, no more pains papa.. I will see you in a few days. I love you to the moon and back,” suma pa sa Facebook post sa anak ni Pepe nga si Daisy Smith – Owen.
Nasayran nga makadaghan na nga higayon nga nalandig sa tambalanan ang singer. Niadtong November 2017, gidala kini sa Metro Antipolo Hospital human kini na-stroke sa ikatulong higayon.
Gipaubos usab siya og operasyon niadtong September 2018 sa Philippine General Hospital. Natawo si Pepe sa Angeles, Pampanga, niadtong December 25, 1947.
Niadtong 1970, nahimong miyembro si Pepe sa rock band nga Juan dela Cruz isip bokalista ug drummer.
Nakauban niya sa Juan dela Cruz Band sila si Wally Gonzales ug Mike Hanopol.
Pipila sa sikat nila nga mga kanta naglangkob sa “Balong Malalim,” “Titser’s Enemy No. 1,” “Himig Natin,” “No Touch,” , “Kahit Anong Mangyari” ug “Beep Beep”.
- Latest
