Nagpungasi ang mga pagdayeg nga nadawat

CEBU, Philippines – Wala dayon makatingog si  Angel Locsin  sa dihang gibahaan siya  og mga positibong komento sa maayo niya nga pakadala sa iyang role sa seryeng The General’s Daughter.

Nasayran nga nag-trending matag gabii ang maong serye sukad kini gisugdan niadtong Lunes.

 “BTW, on behalf of the whole TGD family, thank you guys so, so much for the overwhelming love and support you’ve showed us,” suma pa sa  Instagram post sa aktres.

 Mapasalamaton siya sa mainitong paghangop nga iyang nadawat gikan sa viewers.

“I am still speechless from reading wonderful feedback from last night’s episode. Salamat po for the warm welcome. Couldn’t be more proud and happy for the whole TGD team,” suma pa niya.

Giapas sa glam team

Hugyaw ra si Heart Evangelista gumikan kay giapas gyud siya siya sa iyang glam team didto sa China aron tarungon ang iyang piloka. Kasamtangang nibakasyon si Heart sa maong nasud sulod na sa pipila ka semana.

Giidolo na kaniadto

Giingong niadto pang 2013 nakabantay  si Maine Mendoza sa ka-cute ni Arjo Atayde.  Wa niya damha nga maabot ang panahon nga magkasoud sila niini.    Nasayran nga exclusively dating na ang istado sa duha.

Magpabilin na sa nasud

Gibutyag  ni  Marco Gallo   nga moistar na siya og balik dinhi sa Pilpinas gumikan sa naglinya nga mga proyekto alang kaniya. Kahinumdoman nga nilarga si Marco sa Italy sa miging tuig tungod sa pag-eskwela.

Kampanya ni Sue

Kun si Sue Ramirez ang pasultion, gusto niya gamiton ang social media sa kampanya niya batok sa mga tawo nga kusog kaayo manaot.  Usa si  Sue sa mga biktima sa pagbugal-bugal sa social media.  

Gipa-eskwela ang kaliwat

Si   Maymay Entrata ang  nagasto sa pagpa-eswkela  sa tulo niya ka mga ig-agaw.    Matud pa ni Maymay nga samtang makaya pa niya,  iyaha gyud kini nga gastohan aron maseguro ang hayag nga kaugmaon niini.

Laban lang Angelica!

Tsika pa ni  Angelica Panganiban nga kinahanglan nga  isog gyud siya sa pagsagubang sa iyang mga suliran sa kinabuhi. Nasayran nga nagmaoy gihapon ang aktres sa iyang mga post sa social media.  Giingong resulta kini sa pagka-link ni Carlo Aquino ngadto sa usa ka modelo.”Life is like a camera if things don’t work out take another shot,” suma pa ni Angelica.

Gikawat ang script

Gibutyag ni Direk  Perry Escaño nalangan ang pagama sa pelikulang  Ang Sikreto ng Piso nga gibidahan nila ni Ariel Rivera ug  Gelli de Belen gumikan kay gikawat ang original script niini. Ang masakit pa sa akin, yung script na ginawa ko is taga-industry rin mismo na pinagkatiwalaan ko na producer. Ayoko na lang i-reveal,” suma pa niya.

Murag hubog

Tulo ang kapares ni  Jessy Mendiola sa  pelikulang ‘TOL ug kini naglangkob nila ni  Joross Gamboa, Ketchup Eusebio, ug  Arjo Atayde.  Gihulagway ni Jessy si Jorros nga usa sa kataw-anan kaayo ka-eksena. “Si Joross, grabe siya! Para siyang laging lasing,” matud pa niya.

Theme song

Gikatakdang mo-release og kanta si Armi Millare ug himoon kini nga theme song sa pelikula nila ni Enrique Gil ug Liza Soberano nga  “Alone/Together.”   Gianunsyo kini sa direktor ug writer sa maong pelikula nga si Antoinette Jadaone.

Kutob ra sa pag-react

Wala gyud masulod sa huna-huna ni Enchong Dee nga mosulod sa kalibutan sa politika. Nasayran nga kanunay nga mangatake  si Enchong kun duna siya’y  dili mauyonan sa gobiyerno. Nasayran nga mohirit gyud si  Enchong sa isyu sa  politika.