Pepe nagpangga sa kinaiyahan

CEBU, Philippines – Nag-trending ang post sa  head sa The Mermaid Project nga si Angel Rayco kun diin iyang gipahibalo   ang todo nga pagsuporta sa actor-singer  nga si Pepe Hererra sa iyang adbokasiya sa pag-atiman sa kinaiyahan ilabi na ang pakigbatok sa plastic pollution.

Sa Facebook post ni Rayco makita  nga wala gyud nagduhaduha si Pepe sa pagsanong  sa dihang giimbitar niya kini  nga motikang sa Santa Fe, Bantayan, Island, Cebu alang sa clean up drive nga gihimo sa The

Mermaid Project dili pa lang dugay.

Nasayran nga aktibo usab  si  Pepe sa  nagkadaiyang kalihokan nga nanalipod sa kinaiyahan  busa ganado gyud kini sa pagtikang sa maong isla.  

Summer

Gi-release na sa miaging gabii ang music video sa kanta nila ni Nadine Lustre ug James Reid nga  “Summer.”   Si  Nadine mismo ang direktor sa maong music video, uban sa pag-abag ni  Chino Villagracia .  Gikagubtan kini og maayo sa JaDine fans  ug ilang giklaro nga nagpabiling sikat ang ilang mga idolo.

Ruru mihimakak

Hugtanong gihimakak ni Ruru  Madrid ang report nga matud pa duna silay tinagoang relasyon ni  Bianca  Umali .  Nasayran nga kanunay nga nasigpatan ang duha nga mag-uban sa pagpanuroy. Pipila ka netizens ang wala motoo sa  mensahe ni Ruru.

Dili pa andam

Si Lovi Poe  diay unta ang unang gitanyagan nga mokanta sa  Lupang Hinirang sa fight ni  People’s Champ Manny Pacquiao niadtong Domingo apan gibalibaran kini sa aktres.   Matud pa ni Lovi nga dili pa siya andam hinungdan gibalibaran niya kini og tarong.

Kalmado lang

Tsika pa sa mga bida sa pelikulang  Hanggang Kailan  nga sila si  Xian Lim ug Louise delos Reyes nga wala sila mahadlok  sa  makatigi nila nga Hollywood movies  atol sa play date sa ilang pelikula.  Ang Hanggang Kailan ipasalida na karong February 6.

Heart pasok sa Mulan?

Gidungog nga malakip si Heart Evangelista sa  live-action remake sa  pelikulang  ‘Mulan’. Wala pa mohatag og katin-awan ang aktres kalabot sa maong taho.  Giingong usa kini sa gikabisihan ni Heart.

Panawagan ni Maine

Nanawagan si  Maine Mendoza ngadto sa iyang bashers nga unta dili  pikhan ang magsuong  Kapamilya stars nga sila si  Arjo ug  Ria Atayde.  “I would appreciate if you’ll show some respect not just to our family but to theirs as well. Just stop this nonsense and let us all do better instead. They get projects because of their talent, not because of any other reasons. Once and for all let’s give credit to whom its due,” suma pa ni Maine.

Excited na sa The World’s Best

Nagpanikad na ang TNT Boys nga sila si  Francis Concepcion, Mackie Empuerto, ug  Kiefer Sanchez sa worldwide talent competition nga The World’s Best. Dakong garbo  alang kanila nga malakip sa maong dako nga kompetisyon.  “Masaya po kasi isa po kami sa mga pride ng mga tao dito sa Pilipinas. Masaya din po kami na binahagi po namin yung country natin sa ibang bansa,” matud pa ni Mackie.

Inatiman ang katabang

Pinangga kaayo ni Isabelle Daza ang iyang mga katabang.  Aduna gyud kini mga kontrata aron mopatigbabaw ang ilang mga katungod isip empleyado.   Usa sa mga benepisyo sa iyang katabang mao ang sick leave.

Two years

Tsika pa ni Khalil Ramos nga dul-an na sa duha ka tuig ang relasyon nila ni  Gabbi Garcia.  Dili kaayo display ang duha sa ilang relasyon busa layo sila sa mga intriga.

Alang sa kaayohan

Gitataw ni  Julie Anne San Jose  nga alang ra gyud sa kaayohan nila ni Benjamin Alves ang nakab-ot nila nga desisyon nga magbuwag.  Matud pa niya nga dili na angay idetalye ang reason sa ilang panagbuwag.  Nasayran nga wala gihapon magtagad ang duha sukad sila nagbuwag sa hinapos nga bahin sa miaging tuig.