Heartbroken karong panahona

CEBU, Philippines – Giangkon ni  Angelica Panganiban  nga subli na usab siya nga nasakitan  tungod sa gugma.

Nagsagunson na usab ang mga tweet ni Angelica gumikan sa tawo nga iyang gimaoyan karong panahona.

Wala na gidetalye  ni Angelica kun kinsa man ang maong lalaki basta mao kini ang rason nga sama og giduslak ang iyang kasing-kasing karong panahona.

Bisan pa nga wala siya mosulti sa pangalan sa lalaki, apan nilenggua ang netizens nga ang iyang ex-boyfriend   nga si Carlo Aquino maoy gipasabot sa aktres.

Kahinumdoman nga nagtoo ang kadaghanan sa miaging tuig nga magbalik silang Angelica ug Carlo human nagmalampuson ang pelikula nila nga Exes Baggage.