Chavit franchise holder na sa Ms. Universe PH
CEBU, Philippines — Si kanhi Ilocos Sur Governor Luis “Chavit” Singson mao na ang bag-ong naghupot sa franchise sa Miss Universe Philippines.
Ang maong report nitumaw sa exclusive interview ni The Philippine STAR columnist Wilson Lee Flores .
“True, the franchise is already with me, but it has not yet been announced,” suma pa ni Singson.
Matud pa nga nakuha ni Singson ang pagsalig sa Miss Universe Organization sa dihang maayo ang pagkadala niini sa 65th Miss Universe nga gipahigayon dinhi sa Pilipinas.
Nitumaw usab karon ang report nga mga lig-on ang maglangkob sa grupo ni Singson sa paghupot sa Miss Universe Philippines ug kini naglangkob nila ni beauty-queen maker Jonas Gaffud ug 2016 Bb. Pilipinas Grand International Nicole Cordovez .
Sa pagsuwat niining balitaa, wala pa mohatag og tubag ang pangulo sa Binibining Pilipinas Charities, Inc nga si Mrs. Stella Marquez Aranetanga maoy naghupot sa franchise sa Miss Universe Philippines sulod sa taas nga panahon.
- Latest
