Supportive nga uyab

CEBU, Philippines — Gipakita gyud ni Luis Manzano ang init niya nga pagsuporta sa pelikulang  The Girl In The Orange Dress nga gibidahan sa iyang uyab nga si  Jessy Mendiola. Nag-organize si Luis og block screening sa maong pelikula sa miaging adlaw. 

Star Patroller

Sa labing unang higayon, gisuwayan ni  Jessy Mendiola ang pag-deliver og showbiz news.  Si Jessy maoy nagsilbing guest Star Patroller niadtong Miyerkoles sa “TV Patrol”.   Gisul-ob sa aktres  ang orange dress   nga tipik sa promosyon sa pelikula niya sa Metro Manila Film Festival nga The Girl In The Orange Dress.

Engaged na

Naghudyaka gyud si Polo Ravales niadtong Pasko  gumikan kay nipadangat gyud siya sa iyang wedding proposal ngadto sa iyang girlfriend nga si Paulyn Quiza. Matud pa nga wala gyud nagduhaduha sa pagsanong kaniya  ang iyang  hinigugma.“Just in time for Christmas. She said YES! Akala ko forever akong binata,” suma pa sa IG post ni Polo.

Nahadlok sa pirata

Usa sa gikahadlokan karon sa movie  producers sa mga nalakip sa Metro Manila Film Festival mao  ang piracy.  Giingong nauso gihapon karon ang pag-share og link sa  kopya sa pelikula sa social media.  Matud pa nga makaguba gyud kini sa movie industry sa nasud.

Wala sa hulagway

Wala si John Lloyd Cruz sa Christmas pictorial sa pamilya ni Ellen Adarna nga nikatap sa social media. Duda sa fans ni Lloydie nga posibleng niuli ang aktor  sa ilang balay didto sa kaulohan.

Moral support

Nitambong gyud sila si Marian Rivera, Sarah Lahbati, Ruffa ug Raymond Gutierrez sa  block screening sa pelikulang Fantastica . Mao kini ang ilang pagpakita og suporta ngadto nila ni  Vice Ganda, Dingdong Dantes ug  Richard Gutierrez nga mga bida sa maong pelikula.

Gibisita sa uyab

Nitikang gyud dinhi sa nasud ang boyfriend ni KC Concepcion nga si  Pierre niadtong Pasko.  Mapasalamaton si KC sa iyang hinigugma gumikan kay nihatag gyud kini og igong oras kaniya bisan paman sa ka-busy niini.

Nagpanikad na

Tsika pa ni  Raymart Santiago nga  angayan atngan ang teleserye nila ni Judy Ann Santos sa ABS-CBN nga Starla. Matud pa sa aktor nga gipangandaman gyud sa ABS-CBN ang maong proyekto busa seguradong malingaw gyud ang viewers niini. “Naku! Abangan nila, medyo matagal-tagal din itong pinaghandaan ng ABS-CBN,” suma pa ni Raymart.

Nahibalik sa telebisyon

Subling nilugwa si  Daniel Matsunaga sa telebisyon pinaagi sa iyang partisipasyon sa seryeng Halik. Nasayran nga taod-taod nga nahilom  ang career  ni Daniel.   Nisikat si Daniel kaniadto human siya nakadaog sa Pinoy Big Brother.

Tradisyon matag-Pasko 

Tradisyon na gyud sa Comedy Queen nga si AiAi de las Alas ang pagsaulog sa Pasko uban sa mga sinagop nga bata.   Moabot na sa 24 ka tuig ang maong gimbuhaton ni Ai Ai.    Una na nga gibutyag ni Ai Ai nga kinahanglan ipaambit gyud niya sa ubang tawo ang mga grasya nga iyang nadawat.