Pag-uli ni Kelsey gihangop

CEBU, Philippines — Gihangop og maayo ang modelo nga si  Kelsey Merrit  atol sa pag-uli niya dinhi sa Pilipinas sa miaging adlaw.

Usa  gyud ka hugyaw nga welcome party  ang nisugat kaniya  nga gitambongan sa iyang mga soud nga higala sa industriya.

Nikisaw ang pangalan ni Kelsey human nahimo kini nga kabahin sa prestihiyosong fashion show sa Victoria's Secret . 

Cristine ug Ali nagbalik?

Nitumaw karon ang tsika nga matud pa nag-uli na sila si Cristine Reyes ug Ali Khatibi human nasigpatan nga nag-uban ang duha sa Christmas party sa ilang anak nga si Amara.

Nasayran nga taod-taod na nga gidungog nga nagbuwag na ang duha apan wala gyud mohatag katin-awan  ang duha ka kampo kalabot sa maong istorya.

Hinoun duna pu’y nagduda nga posibleng nag-uban lang sila si Ali ug Cristine sanglit espesyal man kini nga event sa ilang anak.

Hagbay ra usab nga gitangtang ni  Cristine ang apelyido sa iyang bana sa iyang Instagram account.

Samtang sa Facebook account sa anak nila nga si Amara, ni-post kini og ,” Thank you Mommy and Daddy for being with me today. I love you both. #mommyanddaddyonly #christmasparty2018”.