Rescue driver, naka-jackpot sa Cinemo

MANILA, Philippines — Naging espesyal ang dapat sanang pangkaraniwang araw sa trabaho ng rescue driver na si Rogelio Fernando nang solo niyang napanalunan ang P200,000 jackpot prize sa Sorpresaya, ang daytime game show na umeere sa CineMo ng ABS-CBN TVplus.

Si Rogelio ang unang winner ng pinakamalaking jackpot prize sa Sorpresaya, na napapanood tuwing Lunes hanggang Biyernes, 10:30 AM na may same-day 10:30 PM replay sa CineMo ng ABS-CBN TVplus.