Miss World 2018 grand coronation, mapapanood sa GMA

Ngayong Sabado (Disyembre 8), mapapanood sa GMA Network ang grand coronation night ng prestihiyosong international beauty pageant na Miss World 2018.

Gaganapin ang kompetisyon sa Sanya, China kung saan magtitipun-tipon ang 118 kandidata mula sa iba’t ibang parte ng mundo upang maglaban-laban para sa korona. Ang Davaoeña beauty queen na si Katarina Rodriguez ang kinatawan ng ating bansa ngayong taon sa pageant. 

Sino sa mga naggagandahang kandidata ang mag-uuwi ng korona at ng natatanging titulo ng Miss World 2018?

Panoorin ang telecast ng Miss World 2018 grand coronation night ngayong Sabado (Disyembre 8), 10:15 pm sa GMA.