Julius at Tintin yumaman sa ‘sideline!’

SEEN: Malabo ang posibilidad na ma-duplicate ng Three Words to Forever ang box office success ng The Hows of Us, ang pelikula nina Daniel Padilla at Kathryn Bernardo sa Cinema na daan-daang milyong piso ang box-office gross.

SCENE: Mahigit isang dekada na na­wala sa Pilipinas ang former sexy star na si Rita Magdalena kaya excited siya sa kanyang pagbabalik-bansa. Maganda na ang buhay ni Rita sa US, sa pi­ling ng kanyang American husband at American father.

SEEN: Pumayag si Edu Manzano na ilabas sa isang programa ng ABS-CBN ang bahay niya sa San Juan City at ang kanyang mga art collection na hindi matatawaran ang quality at presyo.

Scene: Ang balita na kalahating bilyong piso ang halaga ng mga art collection ng mag-asawang Julius Babao at Tintin Bersola. Binata pa si Julius nang mahilig ito na mangolekta ng mga painting na mataas na ngayon ang value. Buy and sell ng mga art work ang “sideline” ni Julius.

SEEN: Umaasa si Prince Stefan na matutuloy ang pagsasama nila ng isang sikat na aktres sa teleserye project nito. Gay friend ng sikat na aktres ang alok kay Prince na gay ang  madalas na gina­gampanan mula nang aminin niya sa publiko ang tunay na sexual preference.

SCENE: Ang dramatic video ng singer na si Bituin Escalante na literal na ginagamit ang kanyang boses para magkaroon ng patas na karapatan sa lipunan ang mga kababaihan. Ipinangangampanya ni Bituin na palakasin ang boses ng oposisyon sa senado sa halalan sa May 2019.