#MakeupArtistWithAHeart
CEBU, Philippines – “Gihigugma gyud nako ang pag make- up kay dili gyud nako ma- imagine akong kaugalingon kung wala ang industriya sa pag make-up. Kung unsa man gani ko karon, dako gyud nga part ani ang mga tawo nga nagpaluyo nako. Thankful pod kaayo ko sa pagdaug naku sa Everbilena Bridal Makeup Competition last 2010 ug sa TESDA Bridal Make Up last 2012 in which ako ang first runner-up in both competition. Kani nga achievement naku ang usa sa mga reasons nganung in-demand ko karon sa make-up.”
Kini mao ang gipaambit ni Raymond Verallo Rondina o mas naila sa kadaghanan isip Aura.
Matud pa niya, ang iyang pagka make- up artist maoy rason nganung nakalingkawas siya sa mga kalisod nga iyang naagian.
Ang pagmake-up maoy tinubdan sa pag-angkon sa iyang panginahanglanon sulod na sa kapin 10 ka tuig.
Dili gyud niya malimtan ang mga kliyente nga padayon nga nisalig sa iyang abilidad.
Paghinumdom pa niya, nabaid siya sa pagmake- up sa dihang nagsalmotan siya og mga Miss Gay pageant sa mga nagkadaiyang fiesta sa ilang probinsya.
Sa maong higayon, siya ang mangunay pag -make-up sa iyang kaugalingun hangtud nga ang maong hilig, nahimo na niyang extraordinary talent nga iya na sab gi- apply ngadto sa laing mga tawo.
Sa kasamtangan, dili na sab basta basta ang nahimo niyang mga kliyente.
Usa sa dili niya malimtang personalidad nga nahimo niyang kliyente mao si Charo Santos-Concio diin siya maoy mi hair-do niini.
Usa ang maong kasinatian matud pa sa nagpalambo sa iyang pagtuo nga aduna siyay linahi nga talento sa maong aspeto sa propesyon nga iyang gipili.
Matud pa ni Aura, kun aduna man gani siyay usa sa dili niya malimtan nga kasinatian isip tigpaanyag, kini mao ang pagdala kaniya ni Gari Son sa laing nasud arun maoy mo make up sa bride.
Gusto ni Aura nga mahinumduman siya sa kadaghanan isip make- up artist nga adunay dakong kasingkasing sa paghatag og serbisyo ngadtu sa iyang mga kliyente.
Inspirasyon matud pa niya mao ang iyang pamilya ug ang mga tawong nagpaluyo kaniya.
Gawas sa iyang pagka- make- up artist, mapasigarbuhon sab niyang gipaambit nga usa siya ka opisyal sa usa ka LGBT organization dinhi sa Sugbo nga mao ang Kembotitas, ang hugpong nga miila ug padayung nanlimbasog sa katungod ug katakos sa mga sakop sa LGBT.
“Dili nako masukod ang dakong tabang nga nahatag sa akong pagka make-up artist, sama nga dili pud nako ma imagine kung mag unsa ko kung wala ko nahimong usa ka make- up artist. Dako gyud nakong pasalamat sa tanan nakong mga loyalista ilabi na sa Leuterio Family ug sa uban pang mga tawo ug mga personalidad nga nagpabilin ang pagsalig kanako,” suma pa niya.
Name:
Raymond Verallo Rondina
Nickname:
Aura
Address:
Mc Arthur Blvd., Barangay Tinago, Cebu City
Birthdate:
May 10,1989
Facebook Account:
Aura Verallo
Email Add:
- Latest
