Nakakawat og halok

CEBU, Philippines – Dali nga nag-viral sa social media ang usa ka video kung diin nangawat og halok ang aktor nga si Carlo Aquino ngadto sa aktres nga si Angelica Panganiban atol sa usa ka birthday party sa usa ka handler sa Star Magic. Sa post nga gi-upload sa Instagram sa handler nga si Kate Angela, aduna kini caption nga, “Ang buong akala ko birthday ko pero bakit jackpot si Carlo?”.

Nakapatukod og balay

Nakatigom gyud  ang mga produkto sa  Pinoy Boyband Superstar nga sila si Ford Valencia ug Niel Murillo kinsa lakip na karon sa grupo nga BoybandPH. Ang duha wala gyud mag-usik og  panahon nga magpundar na sa ilang kaugalingon samtang naa pa sila sa spotlight. Ang duha nakapatukod na sa ilang kaugalingon nga mga balay. Gani, dili lang sila kabanda karon,apan silingan sab silang duha.

Motabang gihapon

Padayon gihapon nga mitabang si Miss Universe-Philippines 2018 Catriona Gray sa pipila ka mga organisasyon  bisan og puno kaayo  ang schedule niini sa nagkaduol nga Miss Universe pageant sa Thailand. “I spent my last week in different organizations because I don’t know if I’ll have time later and I just want to ground myself in that way before I leave to remind myself what is this platform for. So Friday and Saturday I spend my whole day in Tondo. It’s so wonderful to see the kids and so I feel great I feel like I’m really in a good place,” suma pa ni Catriona.

Pampalig-on sa relasyon

Gitataw ni Pia Wurtzbach nga malipayon kaayo siya sa  relasyon nila ni Marlon Stockinger. Matud pa niya nga dili tinuod ang taho nga nagbuwag na sila.  Nasayran nga niulbo ang maong tsismis human wala sila nag-follow sa usag-usa sa Instagram. Dugang pa ni Pia nga gisabutan nila kini  aron dili masamok ang ilang relasyon. “It’s just better para kapag nag-away kami hindi naming nagiging target ang social media.  It works for us. It’s better”, suma pa in Pia.

Pasok sa hiff

Lakip na sa official entry sa Hawaii International Film Festival ang pelikula nila ni Bea Alonzo ug Aga Muhlach nga “First Love”. Malipayong gianunsyo sa duha ang maong kalamboan sa tagsa-tagsa nila nga mga social media account.

Nakasinati og depresyon

Gitug-an ni Mr. Pure Energy Gary Valenciano nga nakasinati siya  og post-surgical depression human sa duha ka operasyon  nga iyang nahiagoman aron hingpit siya nga makalingkawas sa gihambin niya nga sakit. “So talagang pumasok sa isip ko na yung tipong, ‘Kapagod to. Magwo-workout na naman ako, ‘tapos gagawin ko na naman ang lahat para umabot dun sa dati. Baka sobrang mataas ang expectation ng tao sa akin”, suma pa ni Gary V.

Milapad ang negosyo

Gikalipay pag-ayo ni Kathryn Bernardo nga napun-an na sab og lima ka branches ang iyang negosyo nga “KathNails by KCMB”. Matud pa niya nga wala siya magdahom nga managhan ang branches niini sulod lang sa usa ka tuig. “Masaya kami kasi iba’t iba pumupunta dito. Hindi lang pumunta kasi fans sila, may mga nag-regular clients na nagustuhan yung service. Yun yung importante, yung na-satisfy sila”, padayag  pa ni Kathryn.

Perfect timing

Tsika pa ni Dingdong Dantes nga perfect ra ang timing nga makatrabaho niya og balik ang  iyang suod nga higala sa industriya nga si Dennis Trillo. Ang duha maoy  bida sa umaabot nga primetime series sa GMA-7 nga “Cain at Abel”. “Knowing each other for so many years, ang pagkakaibigan namin ay mas nagde-develop in the process. At para ma-portray ang isang magkapatid, kailangan may certain level of comfort na kayo sa isa’t isa. Masaya ako na ngayon namin ginawa ‘to sa puntong ito ng buhay naming”, suma pa ni Dingdong.

Natuman ang pangandoy

Puno gyud sa kalipay ang gibati karon sa labing una nga Pinay nga nakarampa sa Victoria’s Secret runway nga si Kelsey Merritt gumikan kay natuman na sab ang lain nakatala sa iyang bucket list nga ma-feature sa Vogue Magazine. Dakong kalipay ni Kelsey nga mapakita niya sa kinatibuk-an ang iyang daily make up routine.