Miss Lapu-Lapu 2018

CEBU, Philippines – Maanyag, utokan ug moatabang sa pag-ugmad og maayo sa turismo sa Dakbayan sa Lapu-Lapu City.

Mao kini ang nag-unang kalidad sa mga kandidata sa Miss Lapu-Lapu 2018  nga mahitabo karong November 20, 2018  sa alas 7 sa gabii diha sa Hoops Dome.

Suma pa sa project director sa maong pageant nga si Atty.Ethelbert B. Ouano  nga dili basta-basta ang maong indigay gumikan kay nilungtad na kini og 98 ka tuig.

 “Nagsugod lang siya sa ginagmay hangtud nga nagkadako ang pageant matag tuig,”  matud pa ni Ouano.

Ang Miss Lapu-Lapu maoy giila nga usa sa mga prestihiyosong indigay sa Sugbo nga giatngan na sa pageant lovers.

Gawas nga utokan ug guwapa ang mga kandidata, iyaha usab kini nga gipasigarbo gumikan kay nagikan kini   sa Lapu-Lapu City busa makatabang gyud kini sa ilang adbokasiya  sa pagpadayon og promote sa turismo sa maong dapit.

Ang maong indigay nagtangag sa tema karong tuiga nga “#BeautifulColorful” ,diin gipalutaw gyud ang maayong kultura sa maong dapit.

Ang mapili nga Miss Lapu-Lapu 2018 maoy mopadayon sa nasugdan na nga  mission ug vision niini isip modern ambassadress, nga motabang sa promosyon  ug preserbasyon sa colorful heritage sa maong dapit.

Moabot sa 14 ka mga kandidata ang magtigi sa maong indigay karong tuiga.

Atong ila-ilahon ang unang pito ka mga kandidata.