40 is the new sexy

CEBU, Philippines – Gumikan sa pagviral sa trailer sa Kapamilya digital series nga “Glorious” starring Tony Labrusca ug Angel Aquino, giukay sa mga netizen ang hulagway sab sa ubang mga babaye nga edaran na apan hot hot hot gihapon kaayo tan-awon.

Ug ang ilang nakoykoyan mao ang mga hulagway nila ni Alice Dixon 49, Agot Isidro 52 ug Dawn Zulueta 49.

Suma pa sa mga netizen, sama kang Angel, ang nahisgutang mga artista haom sab gyud sa hashtag nga #40isthenewsexy nga maoy gigamit sa Glorious.

Ang maong proyekto, magtuki sa May-December affair tali sa mga characters nila ni Angel ug Tony. Ang trailer sa maong digital series nakaangkon na og dul-an 10 million views human kini gi-upload niadtong Sabado.