Bangkay, namatay

CEBU, Philippines – Nipanaw ang beteranong aktor nga si Nonong de Andres—mas naila sa showbiz isip  “Bangkay.”

Namatay siya niadtong Martes sa buntag, November 6, sa edad nga 71.

Ang pag-umangkon ni de Andres nga si Paolo Capino maoy nikumpirma  niini ngadto sa ABS-CBN News.

Suma pa, ang iyang pag-umangkon didto namatay sa balay sa higala niining mayor sa Plaridel, Quezon, nga si Bernard Tumagay.

Samtang sa balita sa GMA News, gikataho kining nakit-ang patay sa didto sa us aka beach resort sa Plaridel, Quezon.

Suma pa sa GMA News, “apparent suicide” ang hinungdan sa kamatayon ni de Andres.

“Please pray for the eternal repose of the soul of my Tito Nonong who passed away early this morning,” tipik sa Facebook post ni Capino.

Nailhan si de Andres isip Bangkas sa kanhi horror movies nga iyang nasalmutan kaniadto ug mas nisikat og maayo niadtong nalakip siya sa teleserye nila ni Liza Soberano ug Enrique Gil sa ABS-CBN nga mao ang “Forevermore.”