Korina ug Noli wala katumpag kang Jessica

CEBU, Philippines — Nakalangkat gyud og positibong resulta ang  Halloween special sa magazine show sa GMA-7 nga “ Kapuso Mo Jessica Soho” niadtong Dominggo sa gabii bisan pa man nga giatbangan pa kini sa tandem nila ni Korina Sanchez ug Noli de Castro sa  “Rated K Halloween Special” sa ABS-CBN.

Base sa nationwide ratings sa Kantar Media, ang programa ni Jessica Soho nakakuha og 21.8%, samtang ang kaatbang niini nga Rated K nakaangkon lang og 18.6%.

Nasayran nga gipasalmot si Noli sa show ni Korina aron maka-produce og makahadlok nga halloween special sanglit banggiitan naman niini ang kanhi bise presidente tungod sa show niya kaniadto nga Magandang Gabi Bayan.