“Pamilya Roces” mura’g Pamilya Abellana

CEBU, Philippines — Family story nga duna’y nagpahipi nga leksyon nga mahimong panaminan sa kadaghanan.

Usa lang kini sa mga butang nga nagtangag sa bag-ong serye sa GMA-7 nga Pamilya Roces.

Nitikang dili pa lang dugay dinhi sa Sugbo ang mga bituon sa maong serye ug ilahang gipasigarbo ang mga positibong feedback nga ilang nadawat.

Nagtuki kini sa pamilya nga duna’y lain—laing sanga ug dinhi molutaw ang makahinam nga mga eksena.

Matud pa sa usa mga bida niini nga si Carla Abellana mao kini ang labing unang higayon nga nidala siya sa maldita nga karakter busa iyaha gyud kini nga gipangandaman og maayo.

“Seguro masungit ako dito pero merong part na mabait. Medyo nag-adjust ng konti , pero nakakaya ko naman. Alam naman natin na magaling talaga si Direk Joel (Lamangan), “saysay pa ni Carla nga nahinabi sa E-Group niadtong Biyernes.

Matud pa ni Carla nga dili gyud typical nga family drama ang Pamilya Roces gumikan kay   gisagolan usab kini og kataw-ana nga mga eksena aron dili gyud laayan ang viewers.

“Iba yung timpla niya.  Makaka-relate  talaga dito yung viewers kaya seguradong mag-enjoy sila,” dugang pa sa aktres.

Aminado siya nga ubay-ubay pud karong panahona nga duna’y igsuon ang usa ka tawo sa laing pamilya.

“Kasi ngayon madami ng modern families, may step siblings ka na, may second family, may third family, at may half siblings ka na. So doon naman nag fo-focus. Kasi normally, napapanood natin sa teleserye, isang pamilya lang. ‘Yung kalaban nila ‘yung taga labas, outsider,” matud pa ni Carla.

Gibutyag ni Carla nga maka-relate kaayo siya sa dagan sa istorya sa ilang teleserye sanglit, ingon niini ang iyang sitwasyon. Giangkon niya nga adunay tulo ka pamilya ang iyang amahan, ug siya nalakip sa first ug legal family.

Gani, komedya pa niya nga pagkabasa niya sa script, nakaingon gyud siya nga susama kini sa ilang sitwasyon ug basin og iyang kinabuhi gyud maoy gibasehan sa tagsulat niini. Giklaro hinuon niya nga wala siya makapangutana sa tagsulat kun gipahaom ba sa tinuod nga kinabuhi ang ilang teleserye o bunga lamang sa hunahuna.

Apan kun sa teleserye, nag-away-away amg managsuon gikan sa nagkadaiyang pamilya, sila sa iyang mga half-siblings, suod gyud ug wala silay mga isyu.

Matud pa niya, mao kini ang mensahe sa ilang teleserye sab nga bisan unsay mahitabo, bisan mag-away-away pa, sa katapusan wala gyud kay lain nga paingnan kon dili ang imong pamilya—dugo sa imong dugo.

Samtang laing bida nga si  Gabbi Garcia nipadayag nga dakong garbo alang kaniya nga malakip sa maong talagsaon nga serye.

 “Nag-enjoy talaga ako sa role ko dito. Pwede kong i-attack at a different level. It is not like what I have done before na I am always the victim. This time mas dominant and palaban. I am enjoying it so far. Natutuwa ako sa mga feedback,” matud pa ni Gabbi.

Nalakip pud sa Pamilya Roces ang bag-ong Kapuso star nga si Jasmine Curtis-Smith.

Suma pa sa aktres nga puwerting niya lipaya gumikan kay dili basta-basta ang kauban niya sa labing una niya nga major project sa GMA-7.

Dakong garbo alang kaniya nga mahimong kabahin sa usa ka serye nga duna’y bug-at nga istorya .

Sa karakter niya sa maong serye, nidala siya sa usa ka mapaninggaon nga igsuon busa maka-relate gyud niini .

“Ang maganda kasi hindi lang siya story ng first family na inagawan. So minsan, it is a whole episode ng first family, second, and third. May mga puslit puslit ng other families just to give a background and context sa mga nararamdaman,” saysay pa niya.

Dakong garbo usab sa bag-ong Kapuso star nga si Sophie Albert nga makasuway og role nga wala pa niya nabuhat kaniadto.

Nidala siya sa karakter nga  nanginahanglan og dakong atensyon sa iyang pamilya.

“Sobrang pasasalamat ko sa GMA, kahit bago pa lang ako dito, binigyan nila ako agad ng isang malaking project, “matud pa ni Sophie.

Ang laing bituon sa Pamilya Roces nga si Rocco Nacino nipadayag usab sa iyang kalipay  gumikan kay nasuwayan usab ang abilidad niya sa pagpakatawa atubangan sa kamera.

“A transition from drama to comedy. That shift, kailangan ko talaga mapatawa ko yung viewers  at   mahirit because hindi naman ako ganyan dati. Ngayon, medyo nakukuha ko na ang pagiging Hugo (role) kasi lagi ako nagpapatawa sa ibang tao,” matud pa ni Rocco.

Wala usab damha sa laing Kapuso star nga si Andre Paras nga malakip sa maong serye ug wala gyud siya nagduha-duha sa dihang gidalit kini kaniya ilabi na nga nasayran niya nga hugyaw ang dagan sa istorya niini.

“Bilang isang aktor, kailangan mo talaga subukan yung mga bagay na hindi mo pa nagawa na sa tingin mo na makakatulong sa pag-develop sa talent mo. Dito sa Pamilya Roces sobrang gaan ng feeling sa set. Marami kang matutunan sa mga kasamahan mo lalo na kay Direk Joel,” suma pa ni Andre.

Laing bag-ong Kapuso star nga nalakip sa maong serye mao ang kanhi PBB housemate nga si Manolo Pedrosa.

Suma pa ni Manolo nga panahon napud nga dili lang kutob sa pagpa-cute ang dalhon niya nga karakter.

Sa dili pa siya motunga sa taping, gipaniguro gyud niya nga andam siya kanunay sa mga bug-at nga eksena.

“Bago lang ako dito (GMA), kaya bigyan ko talaga ng hustisya ang pinagawa nila sa akin . Sobrang pasasalamat ko sa GMA na binigyan nila ako agad ng project,” matud pa ni Manolo.

Wala usab magpaulahi sa pagpakita sa iyang abilidad sa pag-arte sa Pamilya Roces ang aktres nga si Shaira Diaz.

Matud pa niya seguradong mabaid gyud og maayo ang iyang talento sa pag-arte gumikan kay gawas sa banggiitang direktor, nakatrabaho usab niya ang mga dili basta-basta nga celebrities.

Suma pa ni Shaira nga iyaha lang nga gi-enjoy ang iyang trabaho ug wala niya gi-pressure ang iyang kaugalingon sa ratings.

Nasayran nga sikat kaayo nga serye ang gipulihan nga  timeslot sa Pamilya Roces. Gipulihan niini ang “Inday Will Always Love” nga natapos dili palang dugay.

“Trabaho lang,   basta yung nasa isip ko   ay pagbubutihin namin yung pag-portray sa mga role namin para naman magustohan ito ng viewers,” saysay pa niya.