Rico Puno mipanaw sa edad nga 65

CEBU, Philippines — Nakabsan sa iyang kinabuhi kagahapon sa kaadlawon,  Oktubre 30, ang 65 anyos nga legendary singer nga si Rico J. Puno.

Nalandig pa ang singer sa St. Luke's Medical Center Global City Taguig gumikan sa  heart failure.

Kahinumdoman nga niadtong  April 2015, gipaubos si  Rico sa seven-hour heart surgery tungod kay naglisod  siya  og ginhawa samtang naa siya  sa taping sa  Home Sweetie Home sa ABS-CBN.

Nakatambong pa kini sa presscon niadtong Oktubre 18, alang sa upcoming concert niya nga Sana Tatlo Ang Puso Ko, kauban sila si Marissa Sanchez ug  Giselle Sanchez.

Giingong upat na kahigayon  nga nalandig sa emergency room  si Rico sa miaging buwan tungod sa sakit sa kasing-kasing.

Nagsugod ang  singing career ni Rico niadtong 1975 ug usa siya sa mga  giila  nga pioneer ug promoter sa  Original Pilipino Music.

Pipila sa mga sikat niya nga awit mao ang  "Kapalaran," "Buhay," "The Way We Were, "Macho Gwapito,"  ug  "May Bukas Pa."

Sa miaging semana,  nipadayag pa gani si Rico nga naghinam-hinam na siya  sa pagbalik niya sa trabaho ug usa na niini ang iyang pagka-hurado sa Tawag ng Tanghalan sa It’s Showtime.

Nagbangotan og maayo ang mga kauban ni Rico sa music industry.

Janno Gibbs: "Paalam Idol Rico J Puno! Ikaw ang tunay na King of Soul. Masaya ako at naging Tatay kita sa Ang Probinsyano. Mananatili kang buhay sa aming puso sa pamamagitan ng iyong mga awit.”

Lea Salonga: “Rest In Peace, Rico J. Puno. Your distinctive voice that lent itself to so much of the music of my childhood will not be forgotten.”

Zsa Zsa Padilla: “Shocked to hear about your sudden passing. We will always remember your beautiful songs and your unique way of interpreting them.”

Martin Nieverra: “We will miss you! Now that you are in heaven, behave! We love you!"