Lahi ra gyud

CEBU, Philippines – Lahi ra gyud ang bation ni  Regine Velasquez kung naa sa iyang kiliran ang singer nga si Sarah Geronimo.Makahatag gyud og good vibes  kaniya ang pop singer.  "Basta't magkasama kami I'm the happiest,” suma pa ni Regine.

Mag-enjoy isip mag-uyab 

Tsika pa ni Paulo Avelino nga bahalag unsa siya ka-busy, dili gyud niya kalimtan ang pagahin og oras sa  iyang model-girlfriend nga si Jodie Tarasek.  Wala pa nila mahisgoti ang pagpakasal  gumikan kay  ilaha gyud  nga i-enjoy  ang istado nila isip mag-uyab.

Badlungon ni Papa

Giangkon ni  Piolo Pascual nga badlungon gyud niya ang iyang  anak nga si  Iñigo sa higayon nga mopatol kini og  bashers . Matud pa sa aktor nga angayan pasagdan ang mga kritiko aron dili kini mogara og maayo.

Screen daughter

Gitawag ni Sharon Cuneta si  Kathryn Bernardo isip iyang  "new screen daughter" apan giingnan niya si  Julia Barretto nga dili angayan magselos. Matud pa niya nga puros niya pinangga sila si Kathryn ug Julia.   Magkauban sila si Sharon ug Kathryn sa pelikulang Three Words to Forever.“Now I understand what Inang Olive Lamasan and Tita Malou Santos, our Star Cinema bosses, and our director Cathy Garcia-Molina, meant when they said that this little girl Kathryn was super mabait,” suma pa sa IG post sa megastar.

Stable ang kahimtang

Napanglantawan  ni  Kris Bernal  nga tulo ka tuig gikan karon,  andam na siya makabaton og kaugalingong pamilya. Nasayran nga stable na ang kahimtang sa aktres . Gawas sa  iyang mga negosyo, aduna pud siya’y property sa laing nasud.

Solid fans

Mapasalamaton sila si Alden Richards ug  Maine Mendoza ngadto sa  AlDub fans gumikan kay wala gyud kini mobiya kanila bisan paman nga duna sila’y tagsa-tagsa nga mga proyekto.  Dili usab mabangbang ang fans nila sa social media nga padayon nga nanawagan nga banhawon ang AlDub.  Una na nga gibutyag nila ni Maine ug Alden nga  dili angayan magoul gumikan kay maabot ra gyud ang panahon nga magpares sila og balik.

Susama og beauty

Nahimout pag-ayo si Andrea Torres sa  mga  himantayon  nga nga nilenggua nga susama sila og beauty sa international star nga si   Gal Gadot .   Tsika pa ni Andrea nga bisan kinsang tawhana nga ikumpara sa big star, seguradong malipay gyud.

Dili diay

Gihimakak ni Tony Labrusca nga siya ang leading man ni  Liza Soberano sa upcoming Darna movie.  Apan kung itanyag kaniya ang maong proyekto, dili gyud siya magduhaduha sa pagdawat niini."Wala pa po akong alam kung kasama ako or hindi,” suma pa sa aktor.

Renewal of  vows

Nagplano ang magsoung Ruffa ug Raymond Guttierez nga ipakasal  (renewal of vows)  og balik  ang ilang ginikanan nga sila si Eddie Gutierrez ug Annabelle Rama.  Nagpakasal sila si Annabelle ug Eddie sa laing nasud  niadtong Nobyembre 8, 1980.

Sweet nga higala

Giklaro  sa basketball player nga si  Calvin Abueva nga  sweet lang  gyud sila nga maghigala  ni  Vice Ganda ug dili tinoud ang report nga matud pa duna sila’y relasyon.  Aminado si Calvin nga taod-taod na ang maong tsismis ug karon lang gyud siya nakalugar sa paghatag og katin-awan kalabot niini.