Curly Tops of my Childhood

So I uploaded a photo of Ricoa’s Curly Tops sa akong Facebook niadtong Biyernes sa gabii. Daghan kaayo’ng likes. Daghan ang naka relate. Sikat man gyud ang Curly Tops sa una pa. Mura’g mao na siya’g gidak-an sa atong mga ginikanan ug kahigalaan.  Busa wala ko nahibulong sa comments and reactions na. Pakkk!

But few hours after, akong amigong gwapoo nga abogado, (dili lang nato nganlan kay kaibgan nya’g daghan), ni message nako kay dili matud pa Curly Tops akong gi-upload, Flat Tops. So ni-insist ko nga curly tops man gud kay wala may flat tops nga gisulod og box. Niingon siya nga gidaginot man gud na sa manufacturer maong ang curly tops mura na og flat tops tan-awon. Natayming sab nga pag-message niya naa ko sa supermarket, so akong gi-picturan ang duha ka mga produkto nga managsama ra og manufacturer. Akong gi-send niya ang photos, ug niingon siya, “I rest my case.”

Ako siyang giingnan nga na interes ko sa iyang giingon nga gidaginot sa manufacturer maong ang curly tops mura na sab og flat tops tan-awon. He elaborated, and I told him, dili ko mulalis niya kay 24 years old pa ko, samtang siya 35 years old. So obviously, wala na gyud ko kaabot anang iyang giingon nga original design which is medyo talinis og tumoy. So nagkinataw-anay na lang ming duha. Pakpak!

Pero ako gyung gi-research ang original design sa curly tops. And yes, husto akong amigong gwapoo nga abogado. Yes, nakahinumdom na diay tuod ko. Basi sa akong panukiduki, 2012 nausab ang design sa curly tops nga mura na siya og flat tops pud tan-awon. Pero wala ko nakahibalag og katin-awan nganong giusab ang design. So I told my amigo nga husto gyud diay siya, busa akoy angayan muingon og, “ I rest my case, your honor.” And yes, it turned out, 30 years old diay siya ug ako 29 years old, kay managsama man diay mi nga nakaabot pa sa original design. Hahaha!

But seriously, Curly Tops played a great part in my childhood. My mama was a public school teacher. Kada bulan ra gyud mi makaadto og Ormoc City basta sweldo na sa akong mama. Ug mag-una gyud sa listahan sa pamaliton ang curly tops.  Busa, matag higayon nga makakita ko og curly tops, I will always be reminded of my humble beginnings in Pilar, Camotes.  Naglisud gyud mi financially pero nakaya ra. Ug bisa’g naglisud gyud mi with all those utangs and struggles nga gisagubang, wala gyud idawo sa akong mga ginikanan ang curly tops. Kana nga chocolate made me feel special and very happy. It made me dream and perservere, aron ugma damlag dili kay small box, (12 ra ang sulod), ang akong mapalit, kundili big boxes, (24 ka buok sulod), of curly tops. That chocolate brand will also remind us that, yes, life is curly gumikan sa mga pagsuway nga atong masugatan matag karon ug unya, apan sa atong padayong pagkugi, paningkamot ug hugot nga pagsalig sa Kahitas-an, mulampos ra gayud kita ug hingpit na nga flat ug hamis ang dalan nga atong agian sa matag adlaw.  Pakpak!

A blessed Sunday, dear okRYANians!