Muslim pinay, bag-ong Miss Asia Pacific International
CEBU, Philippines – Midaog ang pambato sa Pilipinas nga si Sharifa Areef Mohammad Omar Akeel sa bag-uhay lang nga natapos nga 2018 Miss Asia Pacific International. Nahitabo kini niadtong Oktubre 4 sa Newport Performing Arts Theater.
Si Akeel kinsa nagtubo sa Sultan Kudarat mao ang usa sa mga paboritong kandidata. 50 ka mga dalaga nga misalmot sa maong indigay.
Bisan og mubo lang ang preparasyon sa 20 anyos nga beauty queen apan nalangkat gyud niya ang maong titulo pinaagi sa iyang kaanyag ug sa gihuptan niya nga adbokasiya nga lahi sa uban.
Mahitungod sa kalinaw tali sa Kristiyano ug mga kaigsuonang Muslim ang iyang gihingusgan karon nga adbokasiya.
Gawas kang Akeel, nakoronahan isip First runner up si Gabriela Palma sa Brazil; Second runner up si Melania Gonzales sa Costa Rica; Third runner up si Misheelt Narmandakh sa Mongolia ug Fourth runner up sab si Mariani Nataly Chacon Angrita sa Venezuela.
Ang kadaugan ni Akeel naghatud sa Pilipinas ngadto na sa lima ka kadaugan sa nahisgutang titulo. Ug nilungtad pa og 25 ka tuig, una subling nakuha sa Pilipinas ang maong titulo.
- Latest
