Bulawanong kasingkasing sa

CEBU, Philippines – Luyo sa hugyaw nga talento sa pagkanta,   aduna pu’y nagpahipi  nga matinabangong   kasing-kasing ang mga produkto sa Sinulog Idol.

Sa kalampusan nga ilang  natagamtaman sa tagsa-tagsa nila nga kinabuhi, ilaha usab kini nga ipaambit aron makatabang sa ilang isigkatawo.

Nahimong kabahin ang Sinulog Idols  sa bag-ohay lang nga  show for a cause nga “Rise Up” nga gipahigayon sa Barangay Guadalupe Sports Complex.

Itabang sa mga naapektohan sa landslide sa Naga   ang   nahimong kita sa maong concert nga gi-organize sa Banat News Hugyaw columnists and online hosts nga sila si Jaypee Lao ug Yuri Richards uban sa pag-abag  sa manager sa Sinulog Idols  nga si Gloria Villarojo ug ang kapikas niini nga si Gani Villarojo.

Bisan sa iyang ka-busy, ang usa sa mga champion sa Sinulog Idol nga si KC Dilao mapasalamaton kaayo nga nahimong kabahin sa usa ka activity nga makatabang sa mga nanginahanglan.

Gawas kaniya, ubay-ubay pa ka mga Sinulog Idols ang nalakip sa maong kalihokan ilabi na sa mga kauban niya sa  Maka-Girls nga sila si Rachelle Faelnar, ug Gen Flores.

Nakasayaw ang mga tawo sulod sa complex tungod sa hugyaw nga enerhiya sa performance sa Maka-Girls .

Gibutyag sa nahimong Sinulog Idol Season 3 nga si Ronna Jenn Lofranco-Cañete nga desidido gyud sila nga motabang pinaagi sa ilang mahimo. Tungod kay miabot kining kahigayunan nga adunay concert for a cause nga mahitabo, dakong kalipay nila nga gilakip sila sa line-up sa mga mo-perform.

“As a performer, nalipay ko nga makatabang ko ug kami pinaagi sa means nga among mabuhat. Also, it's really heart-breaking to see a lot of people dying. Mao ra gyud na naka-push nako to help through performing for free. While kaya sa akong lawas to help, mutabang gyud ko”, suma pa ni Cañete.

Lakip sab sa ni-perform ang Sinulog Idol champ nga si Jared Barriga Roble kauban ang mga finalists nga sila si Kevin Roises Tecson, Jeyve Dano, Dave Alcano, Kiery Segayle CJ Seville,   Anthon  Saer, Aki Omega, Angelica Maranan, Joey Atillo  Jan Echaria,  ug  Charlie Sumalinog

Ang manager sa Sinulog Idol nga si  Villarojo  nipadayag nga wala gyud siya magduhaduha nga magpasulod og mga performer gumikan kay mapasaligon siya nga mohatag gyud og pulido nga show ang mga sakop niini.

“I have no doubt that the Sinulog Idols and the Maka Girls can deliver a very good performance. Infact, this is an ongoing Gives Back project of the Sinulog Idol. Talent is God-given and it should be given back to God when most needed”, si Villarojo nagkanayun.

Dugang pa ni Villarojo nga wala siya magduhaduha sa dihang gisampit siya ni Yuri ug Jaypee  nga mao ang usa sa momaniho og pag-organisa sa maong kalihukan.

“I had no second thoughts or whatsoever kay I have complete trust of Jaypee and Yuri's sincerity. I also believe that people still have that innate kindness to help when asked. All the performers were equally good. The flow looked flawless. Special mention goes to Alberca Lights and Sounds for providing us with showpiece equipment complete with led wall. All for the love”, suma pa ni Villarojo.

Nasayran nga makadaghan na nga higayon o dili na maihap ang mga kalihokan nga gisalmotan sa Sinulog Idol nga motabang sa mga tawo.

Samtang  si JP sa iyang bahin,  nipadayag kini nga nipatigbabaw gyud sa iyang mga kaubanan nga organizers  ang dedikasyon sa pagtabang.

Bisan pa man og gamay lang ang oras sa preparasyon apan gihingusgan gyud nga mahinayon ang concert.

“Daghan na ang nakahibawo nga nabiktima mi sa Yolanda kaniadto ug kahibawo bitaw ko sa bation kun mawad-an og balay ug sa feeling nga maghuwat ka sa mga tabang kay nawala na tanan tungod sa nahitabo”, matud pa ni Lao.

Dugang pa ni Lao nga maingon nga nahunahunaan gyud niya ang mopahigayon og pasundayag isip pagbaylo sa tabang ngadto sa Naga gumikan kay kaniadto nga nasinati sa amihanang bahin sa Sugbo ang super typhoon, daghan pud nga taga Naga nga paspas nga mipadangat og tabang sa ilang lungsod.

“Nakaingon ko nga now is the best time nga mo-payback pud ko sa tabang nga gi-extend sa Naga didto sa amoa sa Bantayan”, suma pa ni Lao.

Tungod kay ang linya sa iyang trabaho anaa man sa entertainment industry, dali nga misantop sa iyang hunahuna nga pinaagi sa pagmugna og pasundayag ang mahimo niya nga tabang.

“In a form of entertainment siya kay mao man siguro ang mo-fit sa akong personality, sa amoa ni Yuri since naa ta sa Entertainment group ug naa ta pirmi sa events. Mao pud akong nahunahunaan nga dali ra kaayo ug sayon ra kaayo ko maka-organize og ingon ana nga klase nga show kay naa ra tay mga connections sa mga performer ug ubang mga kusog nga mo-organize og events”, saysay pa ni Lao.

Dako sab ang pasalamat ni Yuri sa mga miabag aron mahinayon ang maong pasundayag.

“Nalipay kaayo ko og dako sa pagsalig sa mga sponsors ug sa mitabang og organize nga sila si Ma’am Malou Inocando-Tabar ug sa Barangay Kapitan sa Guadalupe nga si Michael Gacasan para naa tay venue sa show. Dako kaayo ko og pasalamat sa mga Cebu talents nga ni-perform bisan og wala silay talent fee apan nisugot gyud sila. Dako sab ang akong pasalamat sa mga nitan-aw ug misaksi sa show”, padayag ni Yuri

Kapin sa 20 ka mga Sugbuanong talento ang mipakita sa ilang katakus sa pagkanta, pagsayaw, paghatag og kalingawan.

Gilangkuban usab kini sa  Abbys Dancers, Dandie Dimataga, Power Diva,  Jane Hazel Dela Cerna, Janiel Dela Pena, Paul Christian Tan, Jet Gonzales, Disco Remix Dancers, Bon-J Umpad, Emelyn Corpus, Preciosa Bacalso, Cebu Flame Artist, Von Saw, Badidi Labra, Jaya Tay-ak, Jason Dacua ug Fire Motion Dancers.

Ang maong kalihukan nakalikom ogP84, 820. Kining tanan maabot gyud kini sa mga kaigsuonan sa Naga nga biktima sa maong dako nga katalagman.