Japino

CEBU, Philippines – Aduna’y umaabot nga serye si Jennlyn Mercado sa GMA-7 ug nagtangag kini sa working title nga Japino. Gidungog nga si Jason Abalos maoy makapares sa aktres sa maong serye.

Dako og respeto

Gibutyag ni Sam Concepcion nga dako siya  og respeto kang Kiana Valenciano   busa dili kinahanglan nga isulti  pa niya ang rason sa  ilang panagbuwag.  Nagmalipayon siya sa dihang uyab pa sila niini busa gihatagan niya kini og igong value.

Suod sa pamilya

Tsika pa ni Alex Gonzaga nga suod kaayo sa  iyang pamilya ang boyfriend niya nga si Mikee Morada.“Finally I found a man na naiintindihan ‘yung dynamics namin as a family. Kasi gano’n din naman siya,” suma pa ni Alex.

Nag-solo sa condo

Nag-enjoy ra ang  Kapuso star nga si Janine Gutierrez sa pag-inusara og puyo sa  iyang  condo unit.Matud pa niya nga matag weekend, mouli ra siya sa balay sa iyang ginikanan  isip tambal sa kamingaw niini.

Ulahi na

Giangkon ni  Benjamin Alves nga duha ka tuig na ang relassyon nila ni Julie Anne San Jose.  Apan igo ra nikatawa ang netizens sa  iyang lenggua, sanglit hagbay ra nakahibaw ang publiko sa tinagoan nila nga relasyon.

Target ni Maine

Tsika  pa sa komedyanteng aktor nga si Jerald Napoles nga  nakasulti kaniya si  Maine Mendoza nga ganahan kini malakip sa indie film.  Gusto ni Maine nga suwayan ang mga butang nga wala pa niya nabuhat.

Ariella balik-Kapamilya

Molugwa og balik sa  Kapamilya network ang beauty queen nga si Ariella Arida. Malakip siya sa bag-ong  ABS-CBN daytime drama series  nga  Playhouse nga gibidahan  nila ni  Angelica Panganiban ug Zanjoe Marudo . Taod-taod nga niistar si  Ariella sa GMA-7 human kini nalakip kaniadto sa  show ni Willie Revillame nga Wowowin.

Bashers gipikhan ni Pokwang

Wala kaantos  si Pokwang sa mga pagyagayaga  kaniya  sa iyang bashers. Kahinumdoman nga wala mahimuot ang iyang mga kritiko sa gi-post niya nga video kung diin giusik-usikan lang sa iyang anak nga si Malia ang birthday cake niini.  Suma pa ni Pokwang nga dili na lang unta manghilabot ang iyang kritiko sa maong personal nga butang. “Dear haters, don’t criticize me for my flaws and mistakes, when you can’t even see your own,” suma pa sa IG post ni Pokwang.

Giatngan ang pagrampa

Ang pagrampa sa mga  sikat nga magka-loveteam sa  Kapamilya Network maoy pipila lang sa mga  giatngan sa  umaabot nga  ABS-CBN Ball karong  September 29, sa  Makati Shangri-La Hotel.  Kumpirmado na nga motambong sila si  Kathryn Bernardo , Daniel Padilla,Enrique Gil, Liza Soberano, , James Reid ug  Nadine Lustre.

Pasok sa Hollywood movie

Human sa  23 ka tuig, makabaton si  Lea Salonga og  movie comeback pinaagi sa  usa ka  Hollywood movie.Malakip ang singer  sa pelikulang  Yellow Rose nga gibidahan sa laing Pinay nga si  Eva Noblezada. Malakip usab niini ang aktres nga si Princess Punzalan .